Watapana. Jaargang 2

[p. 17]

Na únda, Bjentu?

Na únda, Bjentu,
tur e stèmnan ku un día
nos a stima, ku a jenanos
ku emoshón, amor, inspirashón,
na únda nan a baj?

Na únda nan a baj
si no tá den bo bus enorme,
kaminda nan ta sigui biba
meskós ku tur zonídonan pasá
ku a muri ja den istorja?

Por tá ku Abo, Bjentu,
ora bo drenta kishikí
den kokolishi delikadu i tjèrnu
di un ju ku nase su nanishi
ta hasié partísipe i konfidente
di tur e kosnan, tur tesoro,
ku abo tin wardá
den kashi bjew 'i bo pechu?

Luis Daal

(Di: ‘Mi so ku Bjentu’)