Watapana. Jaargang 2

[p. 15]

Mensahe pa un poeta guerijero

Fo'i lamán di su lucha ku pirata,
manera un flecha kajente di òwsilio,
su bos a bula klaba den mi pecho
jenando tur mi idéanan ku líkido.

Nèt trèi mi kurasón su moketón
a para sangra verso di delikio.
i flambewnan di djesnwebe setenta
a kabishá den su frenta negrisko.

For dje arsenal di mi ármanan kontra
purga i karpata di piratismo
m'a kore saka un mensahe di ungwenta
p'e poeta guerijero i amigo.

Den gáranan di mi águila di biento
m'a mand'ele ku rumbo Tera Tristo:
‘mi spada lo drenta bo poesía
vibrando den brasa di bo espíritu’.

Henry Habibe