Watapana. Jaargang 2

(1969-1970)– [tijdschrift] Watapana– rechtenstatus



[pagina 14]
Dos kantika di guera I. m'a komprondé ku plaka n'ta oro, oro n'ta bida m'a komprondé i awor mi ta bisá Bo ku hámber ta mi kuminda i mi derecho ta inhustisia awor mi ta bisá Bo ku mi lo bringá Bo Abo ku tur Bo oro Abo ku tur Bo plaka mi ta bisá Bo esaki awór pa Bo no keda strañá aworó ora ku mi para band'i Bo TUMANDO mi parti den bida!
II. lagá mi lanta para! mi kweru ta kurtí di traha den solo mi man ta tur na kajo di lidia kunuku mi lomba a kibra bòw'i Bo preshón lagá mi papia! mi idioma ta símpel, sin edukashón mi lenga ta skèrpi manera un spada pa mi hinka pa mi lucha i mi stèm ta duro ora mi bringa! Carel de Haseth (tradusí fo'i hulandés pa: H. Habibe)