De Vorsterman Bijbel

§ Dat .iiij. Capittel.

1

⁺ALder liefste, en ghelooft niet een yegelicken gheest, mer proeft die geesten, oft si wt god zijn, want veel valsche propheten zijnder wt gegaen inde werelt,

+ A

2

kent daer doer den geest Gods. Alle geest dye belijdt dat Iesus Christus inden vleesch gecomen is: die is wt God.

3

Ende alle gheest die niet en belijdt dat Iesus Christus inden vleesch gecomen is, en is niet wt God. Ende dit is Anticristus, daer ghi af gehoort hebt dat hi comen sal, ende hi is nv thans inde werelt.

4

Kinderkens, ghi zijt wt God, ende ghi hebt haer verwonnen, want hy meerder is die in v is, dan die inde werelt is.

5

Si zijn wt die werelt, daer om spreken si van die werelt, ende die werelt hoort haer.

6

Wi zijn wt God. Die god kent hoort ons, die wt god niet en is, en hoort ons nyet. Daer doer kennen wy den geest des waerheyts, ende den gheest des dwalings.

7

Alder liefste, laet ons malcander lief hebben, want dye liefte is wt God. Alle die lief heeft, is wt God geboren, ende hi kent God

8

die niet lief en heeft en kent god niet, + want God is dye liefte.

9

Daer in heeft gods liefte in ons geopenbaert, dat God zijnen eenigen geboren soon inde werelt ghesonden heeft, om dat wy doer hem leuen souden.

10

Daer in is dye liefte, nyet dat wy God lief ghehadt hebben, maer want hi ons eerst lief gehadt heeft, ende heeft zijnen soon gesonden een versoeninge voor onse sonden.

11

⁺Alder liefste heeft god ons also lief gehadt

+ B

[p. Q4v]

so behoren wy malcander oec lief te hebben.

12

Nyemant heeft oyet god gesien. Ist dat wy malcander lief hebben, so verblijt god in ons ende zijn liefte is in ons volmaect.

13

Daer wt weten wi, dat wi in hem bliuen, ende hy in ons, want hi ons van zijn heyligen geest gegeuen heeft

14

Ende wi hebbent gesien, ende getuygent, dat die vader heeft den soon gesonden, een salichmaker des werelts.

15

Soe wie belidet dat Iesus de soon gods is, god blijft in hem, ende hi in god

16

Ende wy hebbent bekent, ende hebben geloeft die liefte die god in ons heeft.

⁺ God is die liefde, ende die inde liefde blijft: blijuet in god, ende god in hem.

+ C

17

Daer in is die liefte gods in ons volmaect, om dat wy betrouwen hebben souden inden dach des ordels want geliken hi is, so zijn wi oeck inde werelt

18

Vrees en is in die liefte niet, mer die volcomen liefte worpt die vreese buyten, want die vreese heeft pijnlicheyt. Mer die vreest, en is niet volmaect inde liefte.

19

Laet ons dan god lief hebben, want god ons eerst lief gehadt heeft.

20

⁺Seyter yemant ic heb God lief, ende benidet zijn broeder, die is logenachtich. Want die zijn broeder niet lief en heeft welcken hi siet: hoe mach hi god lief hebben dien hy niet en siet?

+ D

21

Ende dit ghebodt hebben wi van god, op dat die god lief heeft oeck zijn broeders lief hebbe. *