De Vorsterman Bijbel

§ Dat .iiij. Capittel.

1

⁺DAer om, want christus geleden heuet inden vleesche, wort ooc gewapent nae die selue gedachtenis. Dat die welcke die daer leedt inden vleesche, heeft afgestaen van sonde,

+ A

2

daer toe, dat hi inden vleesch zijnde, die ander tijt die daer ouerschiet, nv nyet en leeft tot dye begeerlicheden der menschen, maer tot den wille gods.

3

Het is ons genoech, dat wij voortijts des leuens volbrocht hebben den wille der heydenen, doen wi wandelden in brootdronckenscappen, begeerlicheden, wijnsuypingen, ende brasserien, ende drinckerien, ende met onbehoorlike diensten der afgoden.

4

In welcke si haer verwonderen, dat ghi niet te samen met haer en loopt, tot die selue ouergeuinge des weeldicheyts, qualiken van v sprekende.

5

⁺Die reden geuen sullen den ghenen die bereyt is te ordelen leuenden ende dooden.

+ B

6

Want daer toe is Deuangelie vercondicht ooc den dooden, op dat si geordeelt souden worden naden menschen inden vleesch, met leuen inden geest na god.

7

Voort, het eynde van allen dingen staet aen. + Weest daer omme wijs, ende wakende, om te bidden,

8

ende voor al onder v groote liefde

[p. Q2r]

hebbende, want die liefde bedect die veelheit der sonden.

9

⁺Weest malcanderen ontfangende ter herbergen sonder murmuracien.

+ C

10

So als een yegelic een gaue ontfangen heeft, also die een den anderen aendienende, als goede wtgeuers der verscheyden gracien gods.

11

Ist dat yemant spreect, spreke als die woorden Gods. Dient daer yemant, die diene als wt die macht die god geuet, op dat god in allen dingen geglorificeert mach worden door Iesum christum * den welcken is glorie ende gebot inder eewicheyt Amen.

12

Mijn alder liefste, en wilt niet pelgrimagie reysen in viericheyt, die v tot becoringe si, recht oft v wat nyeus geschiede,

13

⁺mer verblijt v, in dien dat ghi zijt medeelachtich dye tribulatie Christi, op dat ghi vrolick zijnde moecht ooc verbliden in dye verthoninghe der seluer glorien.

+ D

14

Ist dat v inden naem Cristi wort spiticheit aengedaen, ghi sult salich zijn. Want dat der eeren, glorien ende cracht gods is, ende zijns geests is, sal op v rusten.

15

Niemant en lijde onder v als een dootslagher, oft een dief, oft veruloecker, oft als die ander lieden goet begeerende is.

16

Maer ist dat yemant lijdt als een cristen, die en scame hem niet, mer glorificere God in dese naem.

17

Want het is tijt dattet ordeel beghint van thuys Gods. Ist dattet eerst beghint van ons, wat eynde sal wesen der ghenen diet Euangelium gods nyet en gelouen?

18

Ende ist dat die rechtuerdighe nau salich en wort, ⁺ waer sal die godlose ende sondige openbaren?

+ Hie. 23 Eze. ix Pro. xij

19

Voort dye gequelt worden nae die wille gods, beuelen haer sielen den ghetrouwen sceppere, met goede wercken.