De Vorsterman Bijbel

Dat .xix. Capittel.

1

⁺+ MAer het is gebuert, als Apollo was te Corinthen, ende Paulus die bouenste landen doorwandelt hebbende, quam tot Ephesien. Ende gheuonden hebbende sommighe discipulen,

+ A

2

heeft tot haer gheseyt. Hebt ghy oock den heylighen gheest ontfanghen gheloouende? Ende si hebben geseyt tot hem, maer oock en hebben wij nyet ghehoort, ofter eenen heylighen gheest is.

3

Ende hy sprack tot hen. In wien zijt ghi dan ghedoopt? Ende si hebben gheseyt. In Ioannes doopsel.

4

Ende Paulus heeft geseyt Voorwaer, Ioannes heeft ghedoopt tvolck metten doopsel der penitencien, seggende, dat si ghelouen souden in hem, die daer na hem comende was, dat is in Iesum.

5

Dit gehoort hebbende, zijn si gedoopt inden naem des Heeren Iesu.

6

Ende als Paulus die handen op haer hadde gheleyt, is ghecomen dye heylige geest op haer, ende si spraken talen ende propheteerden.

7

Ende alle die mannen waren by na .xij.

8

Ende inder synagogen inghegaen zijnde sprack vrielic drie maenden lanck, disputerende ende radende vanden rijcke gods. *

9

⁺Ende als die sommighe verhert worden, ende oock niet en gheloofden, qualic sprekende vanden wech des Heren voor die menichte, wech gaende van hem, heeft gheseyt zijn discipulen, daghelijcs disputerende in een schole eens edel mans.

+ B

10

Ende dat duerde twee iaer lanck, also dat alle die gheen die daer woonden in Asia, hoorden dat woort des Heeren te samen, die Ioden ende die Heydenen,

11

ende God dede door die handen Pauli niet cleyne maer crachtighe teekenen,

12

also dat ooc van sinen lichame die sweetdoecken ende die gordelen gedragen worden op den siecken, ende die siecten scheyden van haer, ⁺ ende die boose gheesten ghingen wt.

+ C

13

Ende sommige vanden omgaenden Ioden dye daer besweerders waren, hebben hem onderwonden aen te roepen den naem des Heeren Ihesu, ouer die gheen dye daer boose gheesten hadden, segghende. Wi besweeren v by Ihesum, die Paulus predict

14

Ende twaren seuen sonen van eenen Iode, ghenaemt Scene, een ouerste der priesteren die dat deden.

15

Ende die boose gheest antwoor-[kolom]dende heeft ghesproken. Ick kenne Iesum, ende Paulum weet ick, maer wie zijt ghy?

16

Ende die mensche, inden welcken dye boose gheest was, springhende op haer, ende haer gheweldich zijnde, ⁺ heeft haer te sterck gheweest, also dat si naect ende ghewont liepen wt dien huyse.

+ D

17

Ende dat is openbaer gheworden te samen alle den Ioden ende den Heydenen, die daer woonden in Ephesien, ende daer is gheuallen op haer allen een vreese, ende die naem des heeren Ihesu wert groot ghemaect.

18

Ende veel der ghelouighen quamen belidende ende vercondigende haer wercken.

19

Ende veel wt haer die curiose dinghen gheuolcht hadden, haer boecken te samen brengende, hebben die verbrant in alre menschen tegenwoordicheyt, ende ouer rekent hebbende haer weerde, hebben si gheuonden des ghelts vijftich dusent penninghen.

20

Soo sterckelick wiesch gods woort, ende wert gheuesticht.

21

Dit geschiet zijnde, nam Paulus voor hem inden gheest Macedonien ende Achayen voor bi gegaen wesende, tot Ierusalem te reysen, seggende. Na dat ic daer geweest hebbe, so moet ic ooc Romen sien, ende

22

gesonden hebbende in Macedonien twee wt den ghenen, die hem dienden, als Tymotheum ende Erastum, is hi ghebleuen een wijl tijts in Asia..

23

⁺Maer in dier tijt is op gheresen ghenen cleynen oploop, van den wech des Heeren

+ E

24

want een man ghenoemt Demetrius, een goutsmit, die Dianen silueren tempel maecte, gaf den constenaren gheen cleyn gewin.

25

Dese by malcander gheroepen hebbende, den ghenen dye werck lieden waren, van dier ghelijcken dinghen, heeft hy ghesproken. Ghy mannen, weet dat wij van desen handtwerck ghewin hebben,

26

ende ghi siet, ende hoort, dat niet alleen tot Ephesen, mer ooc dat gheheel lant van Asien. Dese Paulus heeft wijs ghemaect, ende heeft af ghekeert een groote schare, segghende, dattet gheen goden en zijn, dye met handen gemaket worden.

27

Ende ten sal nyet alleen perikel zijn ons om dat ons hantwerc verworpen sal worden maer oock dat den tempel Diane der groter godinnen voor niet gheacht sal zijn, ende toecomende sal zijn, dat ooc hare mogentheyt vernielt sal worden, welcke gheheel Asien ende die werelt dient.

28

⁺Dit ghehoort hebbende, zijn si veruult met toornicheyt, ende hebben geroepen, seggende. Groote Diana der Ephesien.

+ F

29

Ende die geheel stadt is veruult met confusie, ende hebben met eenen moet, eenen oploop ghedaen

[p. P1v]

in die openbaer speelbaen, gripende Gayum ende Aristarchum van Macedonien Paulus ghesellen.

30

Maer als Paulus ingaen wilde totten volcke, en hebbent hem dye discipulen niet toe gelaten.

31

Ende somige ooc vanden oppersten wt Asien, die zijn vrienden waren hebben tot hem gesonden, biddende, dat hy hem niet en wilde in die speelbaen gheuen.

32

Ende die sommige riepen aldus, sommige anders, want dye vergaderinghe was verstoort, ende veel van hen en wisten niet, wt wat sake, dat si te samen gecomen waren.

33

Ende si hebben Alexandrum vander scaren wt ghetogen, dye Ioden hem voort drijuende, mer Alexander metter hant stil swighinge begeerende, woude den volck besceyt doen welcken

34

als si bekenden een Iode te zijn, so isser een stemme van haer allen opgegaen roepende by nae twee vren lanck. Groote Diana der Ephesien.

35

Maer als die Scriba dye scare ghestilt had, heeft hi geseyt. ⁺ Ghi mannen van Ephesien, wie isser doch vanden menschen, dye niet en wetet, dat dye stadt van Ephesien is een dienersse der grooter Dianen, ende Iuppiters kindt?

+ G

36

Nae den mael dan datter nyemandt hier tegen seyt, so ist van noode, dat ghi gestilt zijt, ende niet onbedachtelijcken doen,

37

want ghi hebt dese menschen hier voor ghebrocht (dye welcke en zijn) noch tempel scheynders, noch lasteraers tegen uwe godinne.

38

Maer ist dat Demetrius ende die constenaers dye met hem zijn, tegen yemandt aenspraeck hebben, men houdt ghemeyn raedt, ende daer zijn stadthouders, laetse malcanderen beschuldighen.

39

Ende ist dat ghi yet vanden anderen dingen vraecht, dat machmen in die wettelijcke vergaderinge scheyden,

40

wandt het is te sorghen, dat wij besculdicht sullen worden, van den oploop van huyden, in dien daer gheen saecke en is.

Waer van wij bescheyt souden mogen doen van desen oploop.

Ende als hy dese dinghen gheseyt hadde, so heeft hy dye vergaderinghe laten gaen.