De Vorsterman Bijbel

§ Dat .iij. Capitttel.

1

⁺DAer om heylige broeders, deelactich des hemelschen roepincs, aenmerct den Apostel ende bisschop ons belijdincs Iesum, *

+ A

2

als dat hi getrou is den ghenen, dye hem ghestelt heeft. Gelikerwijs als ooc Moyses in zijn geheele huys. ⁺

+ Gen. i.a

3

Mer dese is veel te meerder glorien, dan Moyses, hoe veel te meer eer dat hi heeft die welcke thuys getimmert heeft, dan dat huys.

4

Want alle huys wort van yemant getymmert. Dye alle dinck gescapen heeft, is god.

5

Ende Moyses is voorwaer ghetrouwe gheweest in gheheel sinen huys als een dienaer, ⁺ tot een getuychnisse van dingen, welcke namaels gesproken souden worden.

+ Num. 22 b

6

⁺Maer Christus als een soon in sinen huyse, welcke huys wij zijn, ist dat wij vast betrouwen ende blijscap des hoops houden, totten eynde toe. ⁺

+ B

+ Psal. xciiij ende .iiij.b

7

Daer om, als die heylige geest seyt. Ist dat ghy heden ghehoort hebt zijn stemme,

8

en wilt niet verherden uwe herten gelijc als in die bitterheyt na den dach des tentacijs inder woestinen,

9

aldaer v vaderen mi ghetenteert hebben. Si hebben mi gheproeft, ende hebben ghesien mijn wercken

10

veertich iaren lanck, waer om ick seer verthoornt was dien gheslahte, ende ic sprack Altoos dwalen si metter herten, si en hebben voorwaer nyet ghekent mijn weghen,

11

daer om en sullen si niet ingaen in mijnre rusten, geliken ic ghesworen hebbe in mijnre toornicheyt.

12

⁺Broeders, siet toe, dat by auentueren in yemant van v en si een quaet herte des ongelouicheyts, om te scheyden vanden leuenden God.

+ C

13

Maer vermaent malcanderen dagelics, so langhe dat den dach van heden genoemt wert, dat nyemant van v verhert en mach worden door de bedriechlicheyt der sonden

14

+ Wij zijn Christus deelachtich gheworden

[p. N2v]

ist nochtans dat wi dat beghinsel zijns wesens vast houden totten eynde toe,

15

⁺alsser geseyt wert. Ist dat ghi heden ghehoort hebt zijn stemme, en wilt nyet verherden v herten, ghelijck in die verbitteringe.

+ D

16

Die sommighe als zijt ghehoort hadden, hebben hen verbittert, maer niet alle, die ghereyst waren met Moyses wt Egypten.

17

Mer op welcken heeft hi vertorent geweest veertich iaren? En ist niet also, dat den ghenen die gesondicht hadden, der welcker lichamen geuallen zijn inder woestinen?

18

Den welcken heeft hy gesworen dat si nyet en souden ingaen in zijn ruste, dan den ghenen die niet geloouich gheweest en hadden?

19

Ende wi sien datse niet en hebben mogen ingaen in zijn ruste, om des ongeloofs wille.