De Vorsterman Bijbel

[p. N1v]

[afbeelding]

Hier begint die Epistel die Sinte Pauwels ghesonden heeft totten Hebreeuschen ofte Ioden.

§ Dat eerste Capittel.

[kolom]

1

⁺+ GOd hier voormaels menichfuldelic, ende in menigherley manieren sprekende den vaderen door den Propheten:

+ A

2

heuet ons ten laetsten in dese dagen gesproken door den soon: den welcken hy ghesedt heeft een erfghenaem alre dinghen, door den welcken hy gheschapen heeft de werelt,

3

welcke na dien hi is tschijnsel der glorien, ende figuer zijns wesens, draghende alle dinck metten woorde zijns mogentheyts, doende dye suueringhe der sonden, sidt aen dye rechter handt des heerlicheyts, inden hoochsten,

4

gheworden alsoo veel te waerdigher dan die Enghelen, hoe veel verscheylijcker hy voor haer den naem ghearft heeft.

5

⁺Want wien vanden Enghelen heeft hy oeyt gheseyt. ⁺ Ghi zijt mijn soon, Ick heb v huyden voortghebracht? ende weder. ⁺ Ic sal hem een vader wesen, ende hy sal my een soon wesen.

+ B

+ Psal. ij.

+ ij.Reg. vij.

6

Ende weder om als hi inleyt sinen eersten geboren, inden oploop der aerden spreect hy. ⁺ Ende alle Enghelen Gods sullen hem aenbidden.

+ Psal. xcvi.

7

⁺Ende voorwaer totten Engelen spreect hy. ⁺ Dye welcke daer maect zijn Enghelen gheesten, ende zijn dienaers een vlamme des viers.

+ C

+ Psal. c.iij.

8

Maer totten soon. ⁺ O God uwen stoel is van eewicheyt tot eewicheyt, ende dye roede uwes rijcs is een roede des gherechticheyts.

+ Psal. xliiij

9

Ghy hebt bemint dye rechtueerdicheyt, ende hebt ghehaedt dye boosheyt, Daer om heeft v God ghesalft uwe God, met dye olye des vrolicheyts, bouen uwe mede ghesellen.

10

⁺Ende ghi o Heere hebt gheleydt dye fundamenten des aertrijcs inden beghinsel, ⁺ ende die hemelen zijn dye wercken uwer handen.

+ D

+ Psal. c.i.

11

Sy sullen vergaen, maer ghy blijft, ende si sullen al verslijten als een cleet,

12

ende ghy sultse omkeeren als eenen rock, ende sullen verandert worden, maer ghy zijt dye selfde, ende v iaren en sullen nyet vergaen. *

13

Want tot wien vanden Enghelen heuet hy oock gheseyt. ⁺ Sidt aen mijn rechter side, ter tijt toe, dat ick setten sal v vyanden tot een voetschabel uwer voeten? ⁺

+ Psal. c.vi:

+ i.Corin xv

14

En zijnt doch niet al aen dienende gheesten, die welcke wt ghesonden worden inden dienst, om den ghenen dye daer wesen sullen erfghenamen des salicheyts.