De Vorsterman Bijbel

[p. M6v]

[kolom]

[afbeelding]

§ Hier begint die tvveede Epistel, die sinte Pauwels ghesonden heeft tot Tymotheum.

Dat eerste Capittel.

1

⁺PAulus apostel Iesu Christi: ⁺ doer den wille Gods na die beloftenis des leuens, welcke in Christo Iesu is.

+ A

+ ij.Cor. i. Gala. i. i.Petri. i

2

Tymotheo den lieuen soon. Gracie ende barmherticheyt, ende vrede, van God den vader ende Christo Iesu onsen heere.

3

Ick danck mijnen God, ⁺ welcken ic diene van mijnen voor vaderen, met reynder consciencie, dat ick sonder ophouden van v ghehoochnis hebbe: in mijnen ghebeden nacht ende dach,

+ Roma. i

4

begheerende v te sien, uwe tranen ghedenckende, op dat ick met blischap veruult werde,

5

als ic vermaent ben vant onbeueynst gheloof, dat in v is, dwelck eerst gewoont heeft in v groot moeder Loide, ende in v moeder Eunica. Ende ick weet certeyn dattet oock in v is.

6

⁺Waer om dat ick vermaen v, dat ghi die gaue gods verwect die in v is, doort opleggen mijnre handen.

+ B

7

Want god en heeft ons niet ghegeuen een gheest des vreesen, maer des machts, ende liefde, ende soberheyts.

8

⁺+ Daer om en schaemt v niet tgetuychnis ons heeren Iesu Christi, ⁺ noch my zijn gheuangen: maer werct met den Euangelie na die cracht Gods,

+ A

+ Ro. viij.a Titi. iij.b

9

die ons verlost heeft, ende gheroepen met die heylige roepinge, niet na onse wercken: maer na zijn opset ende gracie ons gegeuen door Christum Iesum voor die tijden

[p. M7r]

des werelts.

10

Maer nv isse openbaer geworden, door de openbaringhe ons heeren Iesu Christi, die den doot te niet gedaen heeft: ende tleuen gebrocht heeft int licht, ende onuerganclicheit doort Euangelie.

11

Waer in ick geset ben een predikaer ende Apostel, ende leeraer der heydenen,

12

om welcke saeck ick oock dit lijde, maer ick en schaems my nyet, want ick weet ende ben des seker, dat de ghene dye ick gelooft heb, machtich is mijn pant te bewaren, tot dien dach.

13

⁺Hebt een forme der oprechter woorden, ⁺ welke ghi van my gehoort hebt, mettet geloof: ende liefde, welck is in Christo Iesu. *

+ D

+ Tim. ij.b

14

Bewaert den goeden pant doer den heyligen gheest, die in ons woont.

15

Dat weet ghy, dat si alle van mi afgekeert zijn in Asia, onder welcken is Phyletus, ende Hermogenes.

16

God gheef Onesiphorus huysgesin bermherticheyt, want hy my dicwyls vermaect heeft, ende mijn ketinge en heeft hy niet geschaemt,

17

maer als hy te Romen was, heeft hy my sorchfuldelich gesocht ende gheuonden.

18

God gheue hem barmherticheyt te vinden, by den heere in dien dach. Ende in hoe veel dinghen hi my tot Ephesien ghedient heeft dat weet ghy beter.