De Vorsterman Bijbel

[p. L6v]

[kolom]

[afbeelding]

§ Hier beghint die Epistel die Sinte Pauwels gesonden heeft tot die van Philippen.

§ Dat .i. Capittel.

1

⁺PAulus, ende Timotheus, dyenaers Iesu Christi. Alle heyligen in Christo Iesu die te Philippen zijn met de Bisscoppen ende Dyaconen. ⁺

+ A

+ ij.Corin. i. Gala. i. Ephe. i. i.Petri. i

2

Gracie si v ende vrede van God onsen vader, ende den heere Iesu Christo.

3

Ick danck minen God in alle ghehoogenisse van v,

4

altijt in alle mijn ghebeden voor v allen met blijschap mijn ghebet doende

5

dat ghi ghecomen zijt in dye ghemeynscap des Euangelijs, vanden eersten dach tot deser tijt toe,

6

+ betrouwende, dat dye ghene dye in v een goet werck beghonnen heeft, dat volbringhen sal inden dach Iesu Christi,

7

ghelijck als mi behoort, dat ick dat van v allen gheuoelen sal, daer om dat ic v heb int herte, ende in mijn banden, ende in dye bescherminghe, ende beuestinghe des Euangelijs, want ghi zijt al mede ghesellen mijnder blischap.

8

God is mijn ghetuych, hoe dat ic v allen begheer int binnenste Ihesu Christi.

9

Ende dat bid ick, ⁺ dat v liefde noch meer ende meer oueruloedich worde, in kennisse ende in alle verstant,

+ B

10

dat ghi muecht ondersoecken, wattet beste is, op dat ghi oprecht zijt, ende sonder vertoornen totten dach Christi

11

veruult met vrucht des rechtueerdicheyts door Ihesum Christum, tot glorie, ende lof Gods. *

[p. L7r]

12

Voort broeders, wil ic dat ghi weet, dat ghene dat mi gebuert is, is meer geschiet tot vorderinghe des Euangelijs,

13

also dat mijn banden openbaer gheworden zijn in Christo, in die geheel vierschale, ende alle anderen.

14

⁺Ende datter veel van die broeders betrouwende op mijn banden, inden heere oueruloedeliker, ende onbeureest hebben doruen spreken.

+ C

15

Die sommighe door haet ende twistinghe, dye sommighe preken Christum, door eenen goeden wil,

16

die sommige vercondigen Christum, wt twist niet reynlick, meenende mijn gheuanckenis meer last aen te brenghen.

17

Wederomme die ander, wt liefden, wetende dat ick tot bescherminghe des Euangelijs ghesedt ben.

18

Want wat ist? Nochtans in wat manier het si door oorsaecke, oft door de warachticheyt Christus vercondicht worde, verblide ick mi, ende oock sal verbliden,

19

want ic weet, dat mi dat comen sal tot salicheit door v ghebedt, ende aendieninge des gheests Iesu Christi,

20

na die verwachtinge ende mijn hope. Want ick in gheen dinck bescaemt en sal worden, maer met alle vriheit gelijc altijt, also oock nv sal Christus groot ghemaect worden in mijn licham. Het si door tleuen, oft door die doot,

21

want Christus is mi dat leuen, ende die doot, ghewin.

22

Voort, ist dat my ghebuert te leuen int vleesch, dat is my een vrucht des wercs, ende wat ick kiesen sal, en weet ick nyet.

23

Want, ick worde benaut wt dese twee begheerende ontbonden te worden, ende met Christo te wesen, is veel meer beter.

24

Mer te bliuen int vleesch, is meer van noode, om uwen wil.

25

Ende betrouwende, weet ic dat ick bliuen sal, ende v allen bliuen sal, ⁺ tot profijt ende blijscap des geloofs,

+ D

26

op dat v gloriacie oueruloedich wort, door Christum Iesum, in my, door mijn wedercoemst tot v.

27

Alleen, wandelt waerdeliken den Euangelie Christi, op dat oft ick quaem ende saghe v, oft ick van v ben. Ende hoore van v, dat ghi staet in eenen gheest eendrachtelick, mede arbeydende den gheloof des Euangelijs.

28

Ende en wilt in gheen dinck veruaert worden van die teghenpartie, welcke haer is een oorsaeck des verdoemenis, ende v des salicheyts, Ende dat van God.

29

Want v is ghegeuen voor Christo, niet alleen dat ghi in hem ghelooft, maer ooc dat ghi voor hem lijt,

30

den seluen strijt [kolom] hebbende, welcken ghi gesien hebt in my ende nv hoort van mi.