De Vorsterman Bijbel

§ Dat .vi. Capittel.

1

⁺DErf yemant van v, hebbende een sake metten anderen gheoordeelt werden onder den onrechtuaerdighen, ende niet lieuer onder den heylighen?

+ A

2

En weet ghy niet dat de heylighen dye werelt sullen oordeelen? Ende wert dye werelt door v gheoordeelt: en zijt ghy nyet waerdich vanden alderminsten te oordeelen?

3

En weet ghy nyet dat wij dye Enghelen oordeelen sullen, hoe veel te meer tijtelicke dingen?

4

Ist dan dat ghi hebt oordeelen van tijtlijcke dinghen, dye de versmaetste is, in v vergaderinge, set om te oordeelen.

5

Ick segt tot uwer scaemten. Isser nyemant onder v soe wijs, dye oordeelen mach tusschen zijnen broeder?

6

Maer die een broeder blijft metten anderen broeder int recht, ende dat voor den ongelouigen.

7

⁺Aldus nv is al geheel misdaet in v, want ghi twist hebt onder malcanderen. Waer om en lijt ghy nyet lieuer onrecht? Waer om en ontfanct ghy niet lieuer schade?

+ B

8

Immer ghi doet selue onrecht ende schade, ende dat die broederen.

9

En weet ghi niet dat die onrechtueerdige trijcke gods niet besitten en sullen En wilt niet dwalen, Noch oncuyssche, Noch dienaers der afgoden, Noch ouerspeelders,

10

Noch dye teghen der natueren oncuyscheyt doen, Noch die met knechtkens te doen hebben, Noch dieuen, Noch ghierighen, Noch dronckaerts, Noch veruloeckers, Noch roouers, sullen ontfangen die erfnisse des rijck gods.

11

⁺Ende voortijts waert ghy aldusdanighe, maer ghi zijt afgewasschen, maer ghy zijt heylich gemaect, maer ghi zijt rechtueerdich ghemaect, door den naem des Heeren Ihesu Christi, ende door den gheest van onsen God.

+ C

12

Alle dinck is mi geoorlooft: maer alle dingen en zijn niet orbaerlic. Alle dingen zijn mi gheorlooft, maer ick en sal onder niemants macht gestelt worden.

13

Die spijsen zijn voor den buyck (geordineert) ende die buyc der spijsen, maer god sal dese ende dye te niet maken. Dat lichaem (is geordineert) niet die oncuysheyt, maer den here, ende die here den lichaem.

14

Maer god heeft den heere verwect, ende sal ons door zijn mogentheyt verwecken.

15

+ En weet ghi niet dat v lichamen zijn leden

[p. I8v]

Christi? Sal ick dan nemen die leden Christi: ende maken daer af leden eenre hoeren? Gheensins.

16

Oft weet ghy niet, dat die eenre hoeren aenhanct, een lichaem wort met haer? want hy seyt. Twee sullender zijn in een vleesch.

17

Die den heere aenhanct is eenen gheest.

18

⁺Vliet oncuysheyt. Alle sonde welcke dye mensche doet, is buyten den lichaem, ⁺ maer die oncuysheyt doet, sondicht in zijn eyghen lichaem.

+ D

+ Genesis. ij.b. Mat. xix a Mar. x.d. Ephe. v.g

19

En weet ghy nyet dat v lichamen zijn een tempel des gheens die in v wonende is, des heyligen gheests? welcken ghi van god hebt, ende ghi en zijt ws selfs nyet.

20

Want ghi zijt gecocht met eenen groten prijs. Glorificeert, ende draecht god in v lichaem *