De Vorsterman Bijbel

§ Dat .xviij. Capittel.

1

⁺+ ALs Iesus dit geseyt hadde, Is hi wt ghegaen met zijn discipulen, ouer dat beecxken der Ceder boomen, daer een hof was, ⁺ in welcken hi ingheghaen is, ende zijn discipulen.

+ A

+ mat. xxvij. mar. xiiij.c Luc. xxij.c

2

Ende Iudas die hem verriet, wiste die plaets, want Iesus dicwil daer ghecomen hadde met zijn discipulen.

3

Aldus, Iudas genomen hebbende de ben-[kolom]de, ende vanden ouerste Priesteren, ende Pharizeen dienaers, is derwaerts ghecomen met lanternen, ende fackelen, ende wapenen

4

Iesus wetende al tghene dat hem ouercomen soude, is voor gegaen, ende heeft haer geseyt, Wien soect ghi,

5

Si hebben hem geantwoort, Iesum van Nazareth? Iesus seit haer. Ick bent. Ende Iudas die hem verriet stont met haer.

6

Als hi haer dan geseit heeft Ick bent, so zijn si achterwaert geghaen, ende in die aerde geuallen.

7

Daerom heeft hi haer weder gheuraecht, Wien soet ghi? Si hebben gheseyt, Iesum van Nazareth

8

Iesus heeft haer gheantwoort, Ick heb v geseyt, dat ict ben. ⁺ Daerom ist dat ghi mi soect, so laet dese wech,

+ B

9

op dat veruult soude worden, twoordt dat hi gheseyt hadde. Wt die ghene die ghi mi ghegeuen hebt, en heb ick niemant verloren.

10

Symon Petrus, want hi een sweert hadde, heeft dat wtgetoghen, ende heeft des ouersten Priesters knecht ghesleghen, ende zijn rechter oor afgehouwen. Ende die knecht was ghenoemt Malchus.

11

Daer om heeft Iesus Petro gheseyt, Steect v sweert in v scheede. Den kelck die mi mijn vader gegeuen heeft, en wildy niet, dat ick hem drincken sal?

12

Aldus die bende, ende Capiteyn, ende die dienaers der Ioden hebben Iesum geuanghen, ende ghebonden,

13

ende gheleyt alder eerst tot Annam, want hi was Cayphas swager, die welcke een ouerste priester was van dat iaer.

14

Ende Cayphas was die ghene, welcke den Ioden eenen raet gegheuen hadde, dattet profitelick was, datter een mensche sterf voor tvolck.

15

⁺Ende Symon Petrus volchde Iesum, ende een ander discipel. Ende die discipel was den ouersten prister bekent, ende is met Iesu gheghaen in des ouersten priesters sael,

+ C

16

maer Petrus stondt buyten aen die dore. Daerom is die ander discipel wt ghegaen, die den oeursten Priestere bekent was,

17

ende heeft der vrouwe die de poorte bewaerde, gheseyt, ende heeft Petrum ingebrocht. Aldus heeft die dienstmaecht die de poorte bewaerde, tot Petrum gheseyt, En zijt ghi oock niet van die discipulen van desen mensche? Hi seyde, Ick en bens niet.

18

Die knechten ende dienaers stonden by den colen, wantet cout was, ende wermden haer. Ende Petrus was oock met haer staende, ende warmde hem.

19

⁺Daerom heeft die ouerste Priester Iesum gheuraecht, van zijn discipulen, ende

+ D

[p. H5r]

van zijn leeringhe.

20

Iesus heeft hem geantwoort, Ick heb openbaerlick in de werelt ghesproken, Ick heb altijt geleert in die Synagoge, ende inden tempel, daer alle die Ioden tsamen comen, ende int heymelick en heb ick niet ghesproken,

21

Wat vraecht ghi mi? Vraghet den ghenen diet gehoort hebben, wat ick haer gheseit hebbe, Siet dese wetent, wat ick geseyt hebbe.

22

Als Iesus dit ghesproken hadde, een van die dienaers daer bi staende, heeft Iesu eenen kinneback slach ghegheuen, segghende, Antwoort ghi also den ouersten priestere?

23

Iesus heeft hem geantwoort, Hebbe ic qualick ghesproken, so gheeft getuychnis van tquaet, maer heb ick wel gesproken, waer om slaet ghi mi?

24

Ende Annas heeft hem gebonden ghesonden tot Cayphas den oppersten priestere.

25

⁺Symon Petrus stont ende wermde hem Ende si hebben hem gheseit, Sijt ghi ooc niet van zijn discipulen. Hi heeftet versaect ende gheseyt, Ick en bens niet.

+ E

26

Ende een wt den knechten des ouersten priesters, een maech des ghenen dien Petrus de oore af gehouwen hadde, seyde hem, Heb ic v niet ghesien met hem inden hof.

27

Wederom heeft Petrus hem versaect, ende ter stont heeft den haen ghecraeyt.

28

Aldus leyden si Iesum van Caypha, in die Vierschael, ende twas smorghens ende si en hebben niet gegaen in die vierschael, op dat si niet besmet en souden worden, maer dat si Tpaesschen eten souden,

29

Daerom is Pylatus tot haer wtgegaen, buyten, ende heeft gheseyt, Wat clachte brengt ghi teghen desen mensch?

30

Si hebben gheantwoort, ende hem geseyt, Waert dat hi gheen misdader en waer, wi en souden hem v niet gheleuert hebben.

31

Daerom seyde haer Pylatus, Neemt ghi hem, ende oordeelt hem nae uwe wet. ⁺ Daerom hebben die Ioden hem geseyt, Ons en is niet gheoorloeft yemant te dooden,

+ F

32

Op dattet woort Iesus veruult soude worden, dwelck hi geseyt hadde, te kennen geuende, met wat doot hi steruen soude.

33

Daerom heeft Pylatus weder ingheghaen in die vierschael, ende heeft Iesum gheroepen, ende hem geseyt, Sijt ghi coninck der Ioden?

34

Iesus heeft geantwoort Segt ghi dat van vseluen? oft hebbent andere, v van mi geseyt?

35

Pylatus heeft geantwoort, Ben ic een Iode? V volck ende ouerste priesteren, die hebben v mi gele-[kolom]uert. Wat hebt ghi ghedaen?

36

Iesus heeft geantwoort, Mijn rijck en is van dese werelt niet. Waert dat mijn rijc van dese werelt waer, voorwaer mijn dienaers souden strijden, op dat ic den Ioden niet geleuert en worde, maer nv en is mijn rijc niet van hier.

37

Aldus heeft Pylatus geseit, Sijt ghi dan een coninck? Iesus heeft gheantwoort Ghi segghet, dat ick een coninck ben. ⁺ Ick ben daer toe gheboren, ende daer toe in die werelt gecomen, dat ic der warachticheyt getuychnis soude geuen. Alle die ghene die wt die waerheit is, hoort mijn stemme.

+ G

38

Pylatus seyde hem, Wat is die waerheyt?

Ende als hi dit gheseyt hadde, is hi weder wt gheghaen tot den Ioden, ende seyde haer, Ick en vinde gheen sake in hem,

39

Maer het is v een ghewoonte, ⁺ dat ick v Spaesschens eenen quijt late. Daerom wilt ghi, dat ick v quijt late, den Coninck der Ioden?

+ mat. xxvij. Lu. xxiij.c.

40

Si hebben gheroepen al te samen wederom, segghende, Niet desen, ⁺ maer Barrabam. Ende Barrabas was een mooordenaer.

+ mat. xxvij.