De Vorsterman Bijbel

§ Dat .xxiiij. Capittel

1

⁺+ ENde opten eersten dach na den Sabboth smorgens zeer vroech zijnse totten graue ghecomen, ⁺ brenghende die cruyden dye si bereyt hadden.

+ A

+ Ioan. xx.a Mat. 28.a Mar. xvi a

2

Ende si hebben gheuonden den steen van tgraf gerolt.

3

Ende ingegaen zijnde, hebben si tlichaem Ihesu niet geuonden.

4

Ende tis geschiet als si daer om verslegen waren van herten, siet, twee mannen hebben by haer ghestaen in blinckende cleederen.

5

Ende als si veruaert waren, ende taensicht na die aerde sloegen, soo hebben si tot haer gheseyt: wat soect ghi den leuende

[p. G2r]

metten dooden?

6

hi en is hier niet, hi is verresen. Ghedenct hoe dat hi gheseit heeft, doe hi noch in Galileen was,

7

seggende. Dattet van noode soude wesen dat die sone des menschen gheleuert soude worden in die handen der sondaren, ende ghecruyst worden, ende den derden dach verrisen.

8

Ende si hebben zijn woorden ghedachtich gheweest.

9

Ende wederom gegaen zijnde van tgraf, hebben si alle dese ghebootschapt die elue, ende alle den anderen

10

Ende het was Maria Magdalena, ende Ioanna, ende Maria Iacobi, ende die ander die met haer waren, die welcke dese dinghen totten Apostolen seyden.

11

⁺Ende haer woorden schenen bi haer te wesen als ghecspel, ende si en hebben haer oock niet gelooft.

+ B

12

Petrus opstaende, is totten graue gheloopen, ende neder buyghende, heeft ghesien die lakenen alleen liggende, ende hi is wech ghegaen verwonderende in hem seluen, tghene datter ghebuert was. *

[afbeelding]

13

⁺+ Ende siet twee van haer ghinghen op dien selfden dach tot een casteel, dwelcke lach van Ierusalem een spacie van tsestich stadien, genoemt Emaus.

+ C

14

Ende si spraken tsamen van alle dese dinghen, die daer gebuert waren.

15

Ende het is gheschiet als si te samen spraken ende malcanderen vraechden, ⁺ dat Ihesus aencomende ghinck met haer.

+ mar. xvi.a mat. xxviij

16

Maer haer ooghen werden ghehouden, dat si hem nyet kennen en souden.

17

Ende hi heeft tot haer gheseit, Wie zijn die sermonen, die ghi tot malcanderen verhaelt al ghaende, ende zijt droeuich?

18

Ende een genoemt Cleophas, antwoordende, heeft hem [kolom] gheseyt, Sijt ghi alleen pelgrim in Ierusalem? Ende en weet ghy nyet wat daer gheschiet is in dese dagen?

19

Den welcken hi geseyt heeft, Wat.

⁺ Ende si hebben hem gheseyt, Van Iesu van Nazareth, die welcke was een man, een propheet machtich in wercken, ende woorden voor God ende allen tvolck,

+ D

20

ende hoe die opperste priesters, ende onse princen hem gheleuert hebben tot verdoeminghe des doots, ende si hebben hem ghecruyst,

21

Wy hoepten, dat hi Israel verlost soude hebben. Ende hier en bouen, so ist heden den derden dach, dat dese gheschiet zijn.

22

Maer sommighe vrouwen wt ons die hebben ons veruaert, die welcke voor tlicht gheweest zijn totten graue,

23

ende vindende tlichaem nyet zijn ghecomen segghende, dat si oock een visioen van Engelen ghesien hebben, die welcke seyden, dat hi leeft.

24

Ende sommige vanden onsen zijn henen gegaen totten graue, ende hebbent alsoo gheuonden, ghelijc die vrouwen gheseit hadden, maer hem en hebben si niet gheuonden.

25

Ende hi heeft tot haer gheseyt. O dwase ende traghe van herten, om te gheloouen in al tghene dat die propheten ghesproken hebben.

26

En wast niet van noode, dat Christus lijden soude, ende alsoo in zijn glorie gaen

27

Ende hi heeeft beghonnen van Moyses ende alle Propheten bediedende haer in alle die scriften, die dinghen dye van hem waren.

28

Ende si zijn ghenaket den casteel daer si toe ghingen, ende hi beueynsde hem verder te ghaen.

29

Ende si hebben hem ghedwongen, segghende, Blijft bi ons heere, want tgaet ten auont, ende den dach is ghedaelt. Ende hi is inghegaen met haer.

30

⁺Ende het is gheschiet, als hy met haer sadt, dat hi heeft genomen tbroot, ende gebenedijt ende ghebroken, ende ghaft haer

+ E

31

Ende haer ooghen zijn gheopent, ende hebben hem ghekent, ende hi is verdwenen van haeren ooghen.

32

Ende si hebben gheseyt onder haer, En brande onse herte nyet in ons, doen hi ons sprack inden wech, ende opende ons die schriften?

33

Ende op die selfde vre opstaende, zijn weder ghegaen tot Ierusalem, ende si hebben gheuonden vergadert die elue, ende die met haer waren,

34

segghende, Die Heere is warachtich verresen, ende hi heeft Symoni geopenbaert.

35

Ende si vertelden die dinghen die gheschiet waren inden wech, ende hoe dat si hem bekenden, int breken des broots. *

[p. G2v]

36

+ Ende als si dit spraken, so heeft Iesus selue ghestaen int midden van haer, ende seyt haer, Vrede si v. Ick bent, en wilt nyet vreesen. ⁺

+ Ioan. xx.c.

37

⁺Si verbaest, ende veruaert zijnde, meenden eenen gheest te sien.

+ F

38

Ende hi heeft haer gheseit, Waer om zijt ghi verstoort? Ende waerom opclimmen die ghedachten in v herten?

39

Siet mijn handen ende voeten, want ic bent selue. Tast ende besiet want een gheest en heeft vleesch noch beenen, als ghi siet dat ick hebbe.

40

Ende als hi dit gheseyt hadde, heeft hi haer ghetoont, handen ende voeten.

41

⁺Ende als si noch nyet en geloofden, van blijschap ende verwonderden, heeft hi haer gheseit, Hebt ghi hier wat teten?

+ G

42

Ende si hebben hem ghebrocht een stuck van eenen ghebraden visch, ende wat van honich raten.

43

Ende als hijt gegheten hadde voor haer nemende dat ouerschot, heeftet haer gegeuen

44

ende seyt tot haer, Dit zijn die woorden dye ick tot v ghesproken hebbe, doen ick met v was, dat van noode is, dat alle dinghen veruult souden worden, die geschreuen zijn in die wet Moysi, ende propheten, ende Psalmen van mi.

45

Doen heeft hi haer den sin geopent, dat si die scriften verstaen souden,

46

ende heeft haer gheseyt, Aldus staetet geschreuen, ende alsoo moest Christus lijden, ende verrisen ten derden dach,

47

ende penitencie in sinen naem ghepredict worden, ende quijtscheldinghe der sonden, onder alle heydenen * beghinnende van Ierusalem.

48

Ende ghi zijt getuyghen hier af.

49

+ Ende ick sal seynden die beloftenisse mijns vaders op v, ⁺ ende sidt in die stadt van Ierusalem, tot dat v wort aenghedaen dye cracht van bouen.

+ Act. xvij.a

50

Ende hi heeft haer buyten gheleyt tot in Bethanien, ende zijn handen om hooch geheuen hebbende, ⁺ heeft haer ghebenedijt.

+ Act. i.a.

51

Ende het is gheschiet, doen hi haer ghebenedide, is hi van haer ghegaen, ende hi werdt gheuoert inden hemel.

52

Ende si hem aenbiddende, zijn weder gegaen te Ierusalem met grooter blijschap.

53

Ende si waren altijt inden tempel, God louende ende gebenedijende, Amen.

§ Hier is voleyndt Sinte Lucas Euangelie.