De Vorsterman Bijbel

§ Dat .viij. Capittel.

1

⁺ENde het is gesciet daer na, ende hi reysde door die steden, ende sloten, predikende ende condighende het rijck Gods, ende die .xij. met hem,

+ A

2

ende sommige vrouwen, die welc gesont ghemaect waren vanden quaden gheesten, ende siecten. Als Maria die welcke ghenoemt wort Magdalena, vande welcke wt geghaen waren seuen Duyuelen,

3

ende Ioanna die huysurou des mans Chusa, den procuratoor van Herodes, ende Susanna, ende veel ander, de welcke hem dienden van haeren tijtliken goeden. *

4

+ Maer na dien, ⁺ daer gecomen was een groote schare, ende wt yegelijcken steden haesteden bi hem, heeft hi gesproken doer gelijckenisse.

+ Mat. iij.a. mar. iiij.a.

5

Hi is wtgegaen die daer saeyt, om te saeyen zijn zaet. Ende onder tsaeyen, ist sommige geuallen bi den wech, ende tis vertreden, ende die voghelen des hemels hebben dat gegheten.

6

Ende tsommige van dat is geuallen opten steen, ende opgegaen wesende ist verdorret, want het gheen vochticheyt en hadde.

7

⁺Ende tsommighe van dat is geuallen tusschen die doornen, ende die doornen tsamen opgewassen wesende, hebben dat vernielt.

+ B

8

Ende tsommige van dat, is geuallen in een goede aerde, Ende opgegaen wesende, heeftet gedaen hondertfout vrucht. Dit segghende, heeft hi gheroepen, Dye daer heeft ooren, om te hooren, die hoore.

9

Maer zijn discipulen vraechden hem, ⁺ seggende, Wat ghelijckenisse is dit?

+ mar. iiij.b. mat. xiij.b. Esaie. vi.c Ioan. xiij.f.

10

Ende hi sprack, Het is v te kennen ghegeuen die verborghentheden des rijcs Gods, Mer den anderen, door parabolen, op dat si siende, niet en souden sien, ende hoorende, niet en souden verstaen.

11

Maer dit is die ghelijckenisse. Tsaet is dwoort Gods.

12

Die by den wech zijn, zijn dese, die daer hooren, daer na so coemt die duyuel, ende af neemt twoort van haer hert, op dat si geloouende niet en souden worden behouden.

13

Maer die opten steen, zijn die, die welcke als zijt ge-

[p. E7v]

hoort hebben met blijschappen, ontfangen dat woort. Ende dese en hebben gheen woortel, die welcke geloouen wat tijts, ende afgaen in die tijt des becorincs.

14

⁺Dat geuallen is in die doornen, zijn dese, die daer gehoort hebben, ende gaende, versmacht worden van die sorchfuldicheden ende rijcdommen ende wellusticheyden des leuens, ende en brenghen gheen vrucht.

+ C

15

Dat geuallen is in goede aerde, zijn dese, die daer in een goet ende zeer goet hert, hoorende, onthouwen dat woort, ende voort brenghen vruchten in lijdsaemheyt. *

16

Niemant ontstekende een keersse, ⁺ bedect die met een vat, oft set die onder tbedde, maer setse op een candelaer, op dat, die daer in comen, sien moghen tlicht.

+ Matt. v.b mar. iiij.c. Luca. xi.c.

17

Want daer en is niet verborgen, ⁺ twelck niet en sal worden openbaer, noch yet bedect, dat welc niet en sal worden bekent, ende int openbaer comen.

+ Mar. iiij.c mat. xiij.b.

18

Daerom siet, wat ghi hoort. Want so wie daer heeft, die sal ghegeuen worden. Ende so wie niet en heeft, ooc dat hi meynt te hebben, sal van hem genomen worden.

19

Ende zijn moeder, ende broeders zijn tot hem gecomen, ⁺ ende en mochten niet hooren, ouermits die scharen,

+ mat. xxv.c Mar. iiij.c Luc. xix.d. Mat. xij.d marc. iij.d

20

ende tis hem gebootscapt ende gheseyt. Dijn moeder ende broeders die staen buyten ende willen v sien.

21

⁺Die welck antwoordende heeft hen geseit, Mijn moeder ende mijn broeders zijn dese, die welc dat woor Godst hooren, ende dat doen.

+ D

22

Ende tis gebuert, in een van dien dagen dat hi gheclommen is in een scheepken, ende zijn discipulen, ende heeft tot haer gheseyt, Laet ons ouer varen des staenden waters, ende si zijn op geclommen.

23

Ende als si voeren, heeft hi geslapen, ende een wint storm isser op geresen int staende water, ende si zijn bedwongen geworden, ende hebben perikel geleden.

24

Ende tot hem comende hebben hem gewect, ⁺ seggende, Meester, wi vergaen. Ende hi gewect wesende, heeft den wint, ende tonweder des waters geboden, ende si hebben op ghehouden, ende daer is een stilheyt gheworden.

+ mat. viij.c. marc. iiij.d

25

Ende heeft haer geseit, Waer is v geloof? Ende vreesende, hebben si verwondert onder haer, segghende, Wien meyndy is dit? want hi den wint ende die zee gebiet, ende si zijn hem gehoorsaem.

26

Ende zijn voort geuaren tottet landt Gerasenorum, twelck is teghen Galileen ouer.

27

⁺Ende als hi wt dat schip ghegaen was op dat lant, so is hem een man tegen geloo-[kolom]pen, ⁺ die den duyuel nv langhe tijt hadde. Ende hi en worde niet ghecleet met een cleet ende hi en woonde in huys niet, maer in die grauen.

+ E

+ mat. viij.c Marc. v.a

28

Dese, als hi Iesum gesien hadde, is voor hem neder gheuallen, ende heeft met grooter stemmen gheseyt, Iesu sone des alre hoochsten God, wat is mi met v? Ick bid v, en pijnicht mi niet.

29

Want hi geboot den onreynen gheest, dat hi wt den mensche ghaen soude, want hi had hem, dicwil aengegrepen, ende hi worde met ketenen gebonden, ende worde met boeyen bewaert, Ende als hi die banden gebroken hadde, worde hi vanden duyuel in die woestine gedreuen.

30

Ende Iesus heeft hem geuraecht, segghende, welck is v naem? Ende hi heeft geseyt, Legio. Want veel duyuelen waren in hem ghegaen.

31

Ende si hebben hem ghebeden, dat hi haer niet en soude ghebieden inden afgront te varen.

32

Ende daer was een cudde van veel verckens, weyende int gheberchte, ende si baden hem, dat hy haer toe laten soude in die te ghaen. Ende hi heeftet haer gehenct.

33

Ende die Duyuelen gegaen wt den mensche, ⁺ zijn in die verckens gegaen. Ende die cudde is met een ghedruys int water ghegaen, ende is versmoort.

+ marci. v.b. mat. viij.d

34

Ende als die ghene die daer hoeden ghesien hebben tghene datter gheschiet was, zijn si gheuloden, ende hebben dit gebootscapt in die stat, ende in die lanthuisen.

35

Ende si zijn wt ghegaen, om te sien datter gheschiet was, ende zijn tot Iesum gecomen ende hebben geuonden den mensch, daer die duyuelen wt gegaen waren, sittende gecleet, ende met goet verstant voor Iesus voeten, ende hebben gheureest.

36

Ende die ghene diet gesien hadden, die hebben haer oock ghebootschapt, in wat maniere dat hi ghesont geworden was, die daer ghequelt worde vanden duyuel.

37

Ende die menichte der Gerasenen hebben hem gebeden, dat hi van haer ghaen soude, want si met groote vreese beuanghen waren. Ende als hi in een schip gheclommen was, is hi wederom gecomen.

38

Ende die man daer die Duyuelen wt gheghaen waren, had hem ghebeden, dat hi met hem wesen mocht. Iesus liet hem, seggende,

39

⁺Gaet weder in dijn huys, ende vertelt al, wat God met v ghedaen heeft. Ende hi is door die geheel stadt gheghaen, predikende, al wat Iesus hem ghedaen hadde.

+ F

40

Ende tis geschiet, als Iesus weder om

[p. E8r]

quam, so heeft hem die schare ontfangen want si verwachteden hem alle ghader.

41

Ende siet, daer is een man ghecomen, wiens naem was Iayrus, ⁺ ende was een prins der Synagoghen, ende is Iesu te voet gheuallen, biddende hem, dat hi comen soude in zijn huys.

+ Matt. vi.c marci. v.c.

42

Want hi hadde een eenighe dochter, die bi na out was twaelf iaer, ende dese sterf. Maer die wijle dat si ghinghen, so benaude hem die schare.

43

Ende een vrou die den bloet loop hadde, van twaelf iaren af, die welcke alle haer substancie aen die medecijn meesters gheleyt hadde, ende en mocht van niemant gesont ghemaect worden,

44

is achter aen ghetreden, ende heeft gheraect den zoom zijns cleets, ende ter stont is die loop des bloets ghestaen.

45

Ende Iesus heeft gheseyt, wie ist die mi gheraect heeft? Ende als zijt alle missaecten, heeft Petrus geseyt, ende die met hem waren, Meester, die scharen bedringhen ende benauwen v, ende segt ghi wie heeft mi gharaect?

46

Ende Iesus heeft gheseyt, yemant heeft mi geraect, Want ick weet, datter cracht wt mi ghegaen is

47

⁺Die vrouwe siende, dattet niet verborgen en was, is ghecomen al beuende, ende is voor zijn voeten gheuallen, ende heeft hem te kennen ghegeuen, voor tgheheel volc om wat saeck si hem gheraect hadde, ende in wat manieren dat si van stonden aen ghesont geworden was,

+ G

48

ende hi heeft haer gheseyt, Dochter, v gheloof heeft v ghesont ghemaect, ghaet in vrede.

49

Als hi noch sprekende was, isser een gecomen van dat huys des prins der Synagogen, hem segghende, v dochter is doot en wilt den meester niet moeyelick wesen

50

Ende als Iesus dit woort ghehoort hadde, heeft hi gheantwoordt die vader des meyskens. En wilt niet vreesen, gelooft alleen, ende si sal ghesont wesen,

51

Ende als hi ghecomen was int huys, so en heeft hi niet toeghelaten yemandt met hem in te ghaen, dan alleen Petrum, Iacobum, ende Ioannem, ende die vader, ende moeder des meyskens.

52

Ende si screyden al te samen, ende beweenden haer, ende hi heeft geseyt, En wilt niet screyen, dat meysken en is niet doot, maer si slaept.

53

Ende si bespotten hem, wetende dat si doot was.

54

Ende hi heeft haer hant ghehouden, ende gheroepen segghende, Meysken staet op,

55

ende haeren gheest is wederom ghecomen ende is ter stont opghestaen, ende hi ghe-[kolom]boot, datmen haer te eten geuen soude.

56

Ende haer ouders hebben haer verscrict, ende hy heeft haer gheboden, ⁺ dat zijt niemant segghen en souden, datter gheschiet was.

+ marc. vi.b