De Vorsterman Bijbel
(ca. 1528-1531)–Anoniem Vorsterman Bijbel–
Auteursrechtvrij1Ga naar margenoot++ INden vijfthienden iare des rijcs Tiberij des Keysers, Pontius Pylatus wesende een regent van Iudeen. Herodes wesende een vieruorst van Galileen. Philippus zijn broeder wesende een vieruorst van tlant Iturea, ende Trachonitis. Ende Lysanias een vieruorst van Abilenen, | |
2onder den princen der priesteren Anna, ende Caypha, is geschiet dat woort des Heeren, op Ioannem Zacharias sone, inder woestinen | |
3Ende quam in al dat lant gelegen bi der Iordanen, Ga naar margenoot+ predikende dat doopsel der penitencien, in verghiffenisse der sonden. | |
4Als gescreuen is int boec der woorden Esaye des propheets, Ga naar margenoot+ Een stemme des roependens inder woestinen, bereyt den wech des heeren, maect recht zijn toepaden. | |
5Alle dal sal veruult worden, ende alle berch ende hueuel sal slecht gemaect worden ende die boose dingen sullen zijn in geschicte, ende die scherpe in effene weghen. | |
6Ende alle vleesch sal sien die salicheyt Gods. * | |
7+ Hi seyde tot den scaren, die daer wt quamen, om van hem gedoopt te worden. Ghi geslachten der slangen, wie heeft v gewesen te vlieden vanden toecomenden toren? | |
8Daerom doet waerdige vruchten des penitencijs, ende en wilt niet beginnen in v seluen te spreken, Ga naar margenoot+ Wi hebben Abraham tot eenen vader, want ic segge v, dat God machtich is, van desen steenen te verwecken Abrahams kinderen. | |
9Want nv so is die bijl gestelt aen de wortel des booms Daerom alle boom, gheen goede vrucht makende, sal werden af gehouden, ende int vier geworpen. | |
11Antwoordende, seide hi tot haer, Die daer heeft twee rocken, sal deelen die niet en heuet, ende die spijse heeft, sal des gelijcs doen. | |
12Ende die publicanen quamen ooc, om gedoopt te worden, ende spraken tot hem, Meester, wat sullen wi doen? | |
13Hi sprac tot haer En wilt niet meer doen, dan dat v gesedt is. | |
14Oock die ruyteren vrachden hem, seggende, Ende wat sullen wi doen? Hi seyde haer, En doet niemant gewelt, noch en doet yemant te cort, ende weest te vreden met v soudie. | |
15Tvolck vermoedende, ende alle ghader denckende in haer herten van Ioanne, oft hi mocht wesen Christus. | |
16Ioannes heeft geantwoort, seggende tot hen allen, Ga naar margenoot+ Ic doope v metten water, maer daer sal comen na mi een stercker dan ic ben, wiens riem zijnder schoenen ick niet waerdich en ben te ontbinden, die sal v doopen metten | |
[pagina E4r]
| |
heylighen gheest, ende met den vier. | |
17Ga naar margenoot+Wiens wan is in zijn hant, ende sal suyueren sinen dorschuloer, ende sal verghaderen die tarwe in zijn schuer, maer dat kaf sal hi verbranden, met een onblusschelijck vier. | |
18Ende veel meer ander dingen vermanende, kondichde hi den volcke. * | |
19Maer Herodes die vieruorst, als hi van hem gestraft wert, Ga naar margenoot+ van Herodias zijns broeders wijf, van allen quaden die hi gedaen hadde, | |
20heeft hi ooc bouen al dit mede ghedaen. Ende heeft gesloten Ioannem inden kercker. | |
21Ende het is gheschiet, als al tvolc gedoopt worde, Ga naar margenoot+ dat oock Iesus gedoopt wesende, ende biddende, gheopendt is die hemel, | |
22ende die heylighe gheest is neder ghedaelt, in een lichamelic gedaente, als een Duyf, op hem. Ende een stemme is geworden wt den hemel. Ghi zijt mijn lieue sone in v heb ick mijn behaghen. | |
23Ga naar margenoot+Ende Iesus begonste te worden bi na .xxx iaer out, als hi ghehouden worde voor Iosephs sone. Die was een sone Eli. | |
24Die was een sone Mathat, Die was een sone Leui, Die was een sone Melchi, Die was een sone Ianna, Die was een sone Ioseph, | |
25Die was een sone Mathathias, Die was een sone Amos, Die was een sone Naum, Die was een sone Esli, Die was een sone Nagge, | |
26Die was een sone Maath, Die was een sone Matathias, Die was een sone Semei, Ga naar margenoot+ Die was een sone Ioseph, Die was een sone Iuda, Ga naar margenoot+ | |
27Die was een sone Ioanna, Die was een sone Rhesa, Die was een sone Zorobabel, Die was een sone Salatiel, Die was een sone Neri, | |
28Die was een sone Melchi, Die was een sone Addi, Die was een sone Cosam, Die was een sone Elmadam, Die was een sone Her, | |
29Die was een sone Iesu, Die was een sone Elieser, Die was een sone Ioram, Die was een sone Matthath, Die was een sone Leui, | |
30Die was een sone Symeon, [kolom] Die was een sone Iuda, Die was een sone Ioseph, Die was een sone Ionam, Die was een sone Eliachim, | |
31Die was een sone Melcam, Die was een sone Menna, Die was een sone Matatha, Die was een sone Nathan, Die was een sone Dauid, | |
32Ga naar margenoot+Die was een sone Yesse, Die was een sone Obeth, Die was een sone Boos, Die was een sone Salmon, Die was een sone Naason, | |
33Die was een sone Aminadab, Die was een sone Aram, Die was een sone Esrom, Die was een sone Phares, Die was een sone Iuda, | |
34Die was een sone Iacob, Die was een sone Isaac, Die was een sone Abraham, Die was een sone Thara, Die was een sone Nachor, | |
35Die was een sone Saruch, Die was een sone Ragahu, Die was een sone Phalec, Die was een sone Heber, Die was een sone Sala, | |
36Die was een sone Caynam, Die was een sone Arpharat, Die was een sone Sem, Die was een sone Noe, Die was een sone Lamech, | |
37Die was een sone Mathusalem, Die was een sone Enoch, Die was een sone Iared, Die was een sone Malaleel, Die was een sone Caynan, | |
38Die was een sone Enos, Die was een sone Seth, Die was een sone Adam, Adam die was Gods. |
|