De Vorsterman Bijbel

§ Dat .xv. Capittel.

1

⁺+ DOe quamen tot Iesum die scriben, ende pharizeen, die van Ierusalem ghecomen waren seggende,

+ A

2

Waerom ouertreden v discipulen die insettinghen der ouderen? ⁺ Want si en wasschen die handen niet als si broot eten. ⁺

+ Marci. ij.

+ Exodi. xx. Deuter. v.

3

Hi antwoordende heeft haer geseyt. Waeromme treedt ghi ouer Gods gebodt, om uwe insettinge?

4

Want Godt heeft geboden seggende. Eert vader ende moeder, ende die vader oft moeder vermaledijt die moet steruen.

5

Maer ghi segt, So wie den vader oft der moeder seyde. Wat ghifte van mi comen sal, sal zijn tot uwen profite,

6

ende hi en sal zijn vader oft zijn moeder niet eeren. Ende ghy hebt gods gebot teniet gemaect, om v insettinge.

7

Ghi ypocriten, te recht heeft van v gepropheteert Esaias, ⁺ seggende.

+ Esa. xxxix

8

Dit volc eert mi met haer lippen, maer haer hert is verre [kolom] van mi.

9

Aldus te vergeefs eeren si mi, leerende leeringen ende gheboden der menschen.

10

Ende als hi die scaren tot hem geroepen hadde, so heeft hi haer geseit. Hoort ende verstaet.

11

Niet dat inden mont gaet, besmet den mensce, maer dat wt den mont gaet, dat besmet den mensche.

12

⁺Doe comende zijn discipulen tot hem, hebben hem geseyt. Weet ghi dat dye pharizeen dit woort hoorende, gescandalizeert zijn geweest?

+ B

13

Ende antwoordende, sprac hi. Alle plantinge die mijn hemelsche vader niet geplant en heeft, sal wt geroeyt worden.

14

Laet haer, si zijn blinde, ende leytslieden der blinden. Ende ist dat een blinde den anderen blinde een leytsman is, so sullen si beyde inden gracht vallen

15

Ende Petrus antwoordende heeft hem geseit Verclaert ons dese parabel.

16

Ende Iesus heeft gheseit Sijt ghi oock noch sonder verstant?

17

En verstaet ghy noch niet, dat al tgene dat inden mont gaet, wech gaet inden buyc, ende wort gheworpen inden wtganc.

18

Maer tgene dat wt den mont coemt, dat gaet wt dat hert, ende dat besmet den mensche,

19

want wt dat hert gaen quade gedachten, dootslaghen ouerspel, ⁺ oncuysheden, dieften, valsche getuychenissen, blasphemien,

+ C

20

dese zijn dye den mensce besmetten, mer met ongewasschen handen teten, en besmetten den mensce niet. *

21

+ Ende Iesus van daer gegaen zijnde, ⁺ weec in de landen Tyri ende Sidonis.

+ Mar. v.c

22

Ende siet een Cananeeusche vrouwe van dien eynden ghecomen, heeft geroepen seggende hem. Heer Dauids soon ontfermt v mijnre. Mijn dochter wert deerlic vanden duuel gequelt.

23

Ende hy en heeft haer niet een woort geantwoort. Ende zijn discipulen toegaende, hebben hem gebeden seggende, ontslaetse, want si roept ons na.

24

Ende hi antwoordende, seyde. Ic en ben niet gesonden, dan tot die verloren schapen des huys van Israel.

25

Ende si is gecomen ende heeft hem aengebeden seggende. Heer helpt mi.

26

Ende hy antwoordende seyde. Ten is nyet goet, tbroot der kinderen te nemen, ende te worpen voor die honden.

27

Ende si heeft geantwoort seggende. Immer heere, want die hondekens eten van die cruymen, die daer vallen van die tafelen haers heeren.

28

Doen heeft Iesus haer geantwoort seggende. O vrou, groot is v geloof, v ghescie gelijc ghi wilt. Ende haer dochter is gesont geworden van dier tijt af. *

29

Ende Iesus van daer gegaen wesende is gecomen bi de galileesce zee. ⁺ Ende als hi opten berch geclommen was, sadt hy daer,

+ Mat. viij.

30

ende veel scaren zijn tot hem gecomen brengende met haer cruepelen, blinde, douen, lammen ende veel ander, ende

[p. B8v]

si hebbense geworpen voor die voeten Iesu ende hy heeftse gesont gemaect.

31

Also dat dye scharen haer verwondert hebben, als si sagen die stomme spreken, die lamme ghesont wesen, die cruepele wandelen: die blinde sien Ende si glorificeerden God van Israel.

32

+ Ende als Iesus zijn discipulen bi hem geroepen hadde heeft hi haer gheseyt. Mi ontbermt die scaren ouermits dat si nv drie daghen by my bliuen ende niet en hebben dat si moghen eten, ⁺ ende hongerich en wil icse niet laten, op dat si gheen gebrec en lijden inden wech.

+ Mar. 8.a.

33

Ende zijn discipulen seyden hem Van waer crijgen wi inde woestine so veel broots, dat wy mogen versaden also grooten scare?

34

Ende Iesus seyt haer. Hoe veel broden hebt ghi? Ende si seyden hem: seuen, ende een weynich viskens.

35

Ende hi gheboot dat die scaren souden neder sitten opter aerden.

36

Ende hi heeft genomen de seuen broden ende visschen, ende god danckende, heeft hijse gebroken, ende ghegeuen zijn discipulen, ende die discipulen voort den volcke.

37

Ende si hebben alle tsamen ghegeten, ende zijn versaedt. Ende hebben op genomen van die brocken die daer ouerbleuen seuen manden vol.

38

Ende die daer ghegeten hadden, waren vier duysent mannen behaluen vrouwen ende kinderen. *

39

Ende als hi die scaren gelaten had, so is hi geclommen in een scheepken: ende is gecomen in die eynden van Magedon.