De Vorsterman Bijbel

§ Dat .ix. Capittel.

1

⁺ENde climmende Iesus int scheepken, is ouer geuaren, ende is gecomen in zijn stadt

+ A

2

Ende siet si hebben tot hem gebrocht een gichtich, int bedde liggende. ⁺ Iesus siende haer geloof, heeft geseyt den gichtigen. Soon betrout, v sonden worden v vergheuen.

+ Mar. ij.a. Luc. v.d

3

Ende siet, sommighe vanden Scriben seyden in haer seluen. Dese blasphemeert.

4

Ende als Iesus ghesien hadde haer gedachten, heeft hi gheseyt. Waer om denct ghi quaet in uwe herten?

5

welck is lichter te segghen. Die sonden worden v vergeuen, oft te seggen, staet op ende wandelt?

6

Op dat ghi moecht weten, dat die soon des menschen macht heeft op die aerde die sonden te vergeuen. Doe seyt hi den gichtighen. Staet op, neemt v bedde, ende gaet in v huys.

7

Ende hi is opgestaen, ende is ghegaen in zijn huys.

8

Ende die scharen dit siende, hebben gheureest, ende hebben god geglorificeert, ⁺ welcke sodanigen macht ghegeuen heeft den mensch. *

+ Luce. v.f

9

Als Iesus van daer gaen soude, so sach hi sitten een mensche int tolhuys, die Mattheus hiet. Ende heeft hem gheseyt, volcht mi.Ende opstaende, is hem na geuolcht.

10

⁺Ende het is ghebuert, dat Iesus was sittende aen dye tafel int huys. Siet, veel publicanen ende sondaeren comende, hebben mede bi die tafel gheseten met Iesus, ende zijn discipulen.

+ B

11

Die Pharizeen dit siende, seyden sinen discipulen. Waer om eedt v meester met publicanen ende sondaren?

12

Iesus horende dat, seide. Den gesonden en is niet

[p. B5r]

van node een medecijn, maer die hen qualiken hebben.

13

Gaende leert wat dat si, ⁺ ic wil barmherticheyt ende niet offerhande. Want ic en ben niet ghecomen om te roepen den rechtuerdighen, maer den sondaren. *

+ Osee. vi.e

14

+ Doen zijn tot hem gegaen dye discipulen Ioannis seggende. ⁺ Waer om vasten wi ende die pharizeen dicwils, ende v discipulen en vasten nyet?

+ Mat. xij.a

15

Ende Iesus heeft tot haer geseyt. Hoe mogen de kinderen des bruydegoms suchten, also lange als met hen die bruydegom is? ^{+ +} Die tijt sal comen dat die bruydegom van haer ghenomen sal worden, ende dan sullen si vasten.

+ Marc. ij.c. Luce. v.c.

+ C

16

Nyemant en sedt een stuck van grof laken in een out cleet Want het neemt wech die veruollinc vant cleet, ende die schoer wort argher.

17

Noch men en doet gheen nyewe wijn in oude flesschen, anders borsten die flesschen, ende die wijn wort wtgestort, ende die flesschen vergaen. Maet si doen nyeuwen wijn in neyu flesscen, ende alle beyde tsamen worden si bewaert.

18

Als hi haer dit seyde. Siet een prince is gecomen, ende heeft hem aengebeden, segghende. Mijn dochter is gestoruen, maer coemt ende legt v hant op haer, ende si sal leuen.

19

Ende Iesus opstaende is hem nae geuolcht met zijn discipulen.

20

Ende siet, een vrouwe die de loop des bloes .xij. iaer lanck gheleden had, comende van achteren, heeft geraect dat wterste zijns cleedts

21

Want si seyde in haer seluen. Ist dat ic alleen raken mach zijn cleedt, ic sal gesont wesen

22

Ende Iesus omgekeert zijnde ende haer siende, heeft gheseyt, betrout dochter, v ghelooue heeft v salich gemaect. Ende die vrouwe is gesont gheworden, in dier vren.

23

Ende als Iesus gecomen is in dat huys des princen, ende heeft gesien die trompers, ende die woelende scaren,

24

seyde. Gaet wech, want dit meysken en is niet doot, maer si slaept. Ende si bespotten hem.

25

Ende als die schare wtgeworpen was, so is hi ingegaen, ende heeft haer hant gehouden, ende seyde. Meysken staet op. End dat meysken is op ghestaen,

26

ende dese fame is wtgegaen in al dat gheheel lant.

27

⁺+ Ende als Iesus van daer ghinck: zijn hem gheuolcht twee blinde, roepende ende seggende. Dauids soon ontfermt onser

+ D

28

Ende als hi gecomen is int huys, zijn die blinde tot hem gecomen Ende Iesus seyt haer: geloeft ghi dat ic v dat doen mach? Si seggen hem. Heer ya wi

29

Doe heeft hi gheraect haer oogen seggende. Na v geloue so geschiede v.

30

Ende haer ooghen zijn gheopent Ende Iesus heeft haer geboden seggende. Siet datter nyemant en weet.

31

Ende si wech gaende hebben zijn faem bekent gemaect in al dat lant. [kolom]

32

Dese wech gegaen zijnde, so hebben si hem gebrocht een stom beseten mensche. ⁺

+ Luce. xi.b. Matthei. xiij.b

33

Ende als den duuel wtgheworpen was, so heeft dye stomme gesproken, ende die scharen hebben hem verwondert, seggende. Noeyt en isser aldusdanich in Israel openbaer geweest.

34

Maer die pharizeen seyden In die prince der duuelen woorpt hi die duuelen wt.

35

+ Ende Iesus ghinc alle steden ende casteelen om, ⁺ leerende in haer synagogen, ende predikende dat Euangelie des rijcs, ende gesontmakende alle quellingen ende crancheden. *

+ Mar. vi.e.

36

Ende siende dye scharen, is teghens haer met barmherticheit bewegen, want si ghequelt waren, ende liggende ghelijc schapen die gheen harder en hebben.

37

Doe heeft hy geseyt zijn discipulen. Den bou is veel, mer die arbeyders zijn weynich.

38

Daer om so bidt den heere des bous, dat hi seynde arbeyders in zijn bou.