De Vorsterman Bijbel

§ Dat .v. Capittel.

1

NV ^* suldy verdoruen worden, moordenaers dochter. Si hebben op ons een belegginghe gheset) si sullen die wanghe des rechters van Israel metter roede slaen

* the. o ghi crijchsche dochter. vergadert v, want hi sal ons belegheren.

2

Ende ghi Bethlehem Ephrata, sidy cleyne onder den ^* duysenden) van Iuda? ⁺ Wt v sal mi wtgaen, die een heerscapper in Israel sal zijn, ende sinen wtganc is vanden begin, vanden dage der eewicheyt.

* the. princen

+ A

3

Daerom sal hise ouergeuen tot eenen tijt inden welcken, die in arbeyt gaet sal baren. Die ouerbleuene zijnder broederen, sullen bekeert worden, tot die kinderen van Israel,

4

⁺Ende hi sal staen, ende sal voeden in die cracht des HEREN door die ^* hoocheyt), des naems des HEREN zijns Gods. Ende si [kolom] sullen dan bekeert worden, Want hi sal machtich worden totten eynden der aerden,

+ B

* th. heerlicheyt

5

Ende dese sal een alsulcken vrede zijn, dat oft die van Assirien in onse lant quamen, ende wilden onse ^* huysen) vertreden, dan sullen wi tegen hen vij. herders op hen verwecken, ende viij. vorsten ende luyden,

* h. palaysen

6

ende si sullen tlant van Assirien weyden metten swaerde, ende tlant van ^* Nemroth in haeren lancien) Ende sal verlossen van Assur als hi in onse lant comen sal, ende als hi in onsen palen treden sal.

* h. Nimrod aen alle sine torrens

7

⁺Ende die ouerbleuene van Iacob sullen ^* zijn int midden van veel volcs als daw vanden HERE, ende als druppelen opt cruyt, Die den man niet en verwachten, ende niet en verbeyt die sonen der menschen)

+ C

* th. gelijc een daw vanden heere, ende ghelijck een meyreghen opt gras onder veel volcs zijn, die op niemant en wachten, ende op gheenen mensche en verhopen

8

Ende die ouerbleuene van Iacob sullen onder die heydens zijn int midden van veel volcs als een leeu onder die dyeren der bosschen, ende als een ionghe leeu onder den scaeps cudden, Welcke als hi door gegaen is, ende heeft ghetreden ende gheuangen, so en is niemant diet verlossen mach

9

Ende v hant sal verheuen worden op uwe vianden, ende al v vianden sullen vernielt worden.

10

Ende die HERE seyt, het sal in dien dach zijn, dat ic sal v paerden wech halen van v middele, ende sal v waghens verderuen,

11

ende ic sal die steden van uwen lande af doen, ende sal al uwe stercke casteelen afbreken ⁺ Ende ic sal die toouerije ^* wechalen) van uwer hant, Ende die seggingen der toecomender dinghen, en sullen bi v niet meer zijn,

+ D

* h wtplucken

12

Ende ick sal uwe afgoden doen vergaen, ende v beelden int midden van v, ☞ ende ghi en sult niet meer aenbeden die wercken uwer handen,

13

Ende ic sal v ^* bosschen) wt rooden van uwen midden, Ende ick sal v steden tsamen in tween breken,

* th. lindenboomen.

14

ende sal wrake doen met toornicheyt ende met gramscap aen allen volcken, die niet hooren en wilden.

§ Van Gods twist met sinen volcke. Van die offerhande gode aenghenaem, ende die misdaet des volcs.