De Vorsterman Bijbel

[p. V8v]

[kolom]

§ Hier beghint die propheet Abdias

§ Hoe Edom Israel na den vleesche, die werelt, tvleesch selue, om der houaerdien wille, van sinen vianden vernielt sal worden, om den haet tegen zijn broeders, ende die saken, Ende van die verlossinge der Ioden, Ende van die menichfuldicheit der prekingen.

§ Dat .i. Capittel.

1

⁺DAt ghesichte Abdie. ⁺ Dit seit de ^* HERE God) tot Edom. Wi hebben een gheruchte ghehoort vanden HERE, ende hi heeft ghesonden eenen bode totten heidenen. Staet op, ende laet ons te samen opstaen tegen hem te striden.

+ A

+ § Abdias, dat is, een knecht gods

* th. heerscappende Here

2

Siet, ic heb v cleyn gegeuen onder die heydenen, Ghi zijt seer veracht,

3

Die houaerdie ws herten heuet v verheuen, ghi die in de spleten der steenroetsen woont, ende verheft uwen stoel. Die segt in uwer herten, Wie sal mi aftrecken in der aerden?

4

Al waert sake dat ghi verheuen waert als een arent, ende settet uwen nest onder de sterren, so sal ic v daer af trecken, seyt die HERE,

5

Waert dat die dieuen waren ingheghaen tot v, oft die moordenaers waren ingegaen tot v inder nacht, hoe soudi hebben ^* geswegen)? ^{+ +} En souden si niet gestolen hebben, dat hen ghenoech geweest hadde? Waert dat die wijnsniders waren ingegaen tot v, en souden si v niet een druyue ghelaten hebben?

* th. te niet geweest.

+ Iere. xlix.d

+ B

6

Hoe hebben si Esau doorsocht? Si hebben ondersocht zijn verholen dingen,

7

totten eynde hebben si v wtghesonden, alle die mannen ws verbonts hebben v bespot. Die mannen ws vreden hebben te

[p. X1r]

^* bouen gegaen tegen v, Die met v eten, sullen lagen leggen onder v) Geen verstant en is in hen

* th. gheweldich gheweest, Sy sullen v uwe eyghen spijse ongesont maken

8

Die HERE seyt, ⁺ en sal ic niet in dien dage verderuen die wisen van Idumeen, ende die wijsheyt vanden berch Esau?

+ Esa. xxix. .i.Cor. i.c.

9

Ende v starcken van ^* zuyden) sullen verscricken, dat vergaen sal die man vanden berch Esau,

* th. Theman

10

om den dootslach, Ende om de boosheyt aen uwen broeder Iacob, sal v de beschaemtheit bedecken, Ende ghi sult verghaen inder eewicheyt.

11

Inden daghe doen ghi stont tegen hem, doen die vremde zijn heyr vingen ende die van buyten gingen in zijn poorten ende op Ierusalem, loten wierpen, ende ghi waert ooc als een van hen

12

Ende ghi en ^* sult niet versmaden inden dage ws broeders, inden dach zijnre pelgrimagie Ende ghi en sult niet verbliden op die sonen van Iuda inden dage haerder verderffenisse, ende ghi en sult niet groot maken uwen mont inden dach der benautheyt,

* th. soudt in ws broeds dach, inden dach zijns allendicheyts nyet toeghesien noch ouer die kinderen van Iuda inden dach haers verderuens verblijdt noch also met uwen mont inden dach des anxts groot ghemaect hebben, Noch en soudt niet door mijns volcs port ingetrocken zijn inden dage haers ongheuals haer ongeluc te besien noch yemant inden dage zijns ongeuals teghen zijn heyr wtgesonden noch opten scheywech ghestelt hebben zijn ontloopinge te keren, oft zijn ouerbleuene inden daghe des anxts geuangen te nemen

13

Noch ghi en sult niet ingaen in die poorte mijns volcs inden dach haers vallens noch ghi en sult ooc hen niet versmaden in sinen quaden, inden dach zijnre verwoestenisse. Ende ghi en sult niet worden wtgezonden tegen zijn heyr inden dage zijnre verderffenisse,

14

noch ghi en sult ooc niet staen inden wtgangen, om doot te slaen die daer vlieden.

Ende ghi en sult niet besluyten die ouerbliuen van hen, inden dach zijnre bedructheyt)

15

want des HEEREN dach is nakende op alle volcken. Also als ghi gedaen hebt, sal v gescieden Ic sal keeren v wedergeuen op v hooft

16

Want so ghi gedroncken hebt op minen heyligen berch, so sullen drincken alle volcken eewelijc Ende sullen drincken, ende op zuypen ^* ende si sullen zijn, oft si niet en waren.

* thebr. al en waert te voren daer niet gheweest, Ende die op den berch van Sion, sullen ontloopen ende

17

Ende opten berch Sion sal zijn gesontmakinge, ende hi sal) heilich zijn Ende Iacobs huys sal besitten ^* die gene die hem beseten hadden,)

* th. wederom zijn eyghendom

18

Ende Iacobs huys sal een vier zijn, ende Ioseph huys een vlamme, ende Esaus huys een stoppel ^* Ende sullen ontsteken worden in hen, ende sullense verslinden) ende geen ouerbliuingen en sullen zijn des huys Esau, want die HERE heuet gesproken.

* dwelcke si sullen ontsteken, en de verslinden

19

Ende die zijn vant zuyden, sullen tot erue ontfangen den berch Esau Ende die inden velden zijn, die Philistinen, Ende sullen besitten tlantscap van Ephrai, ende tlant van Samarien, Ende BenIamin sal besitten Galaad

20

Ende die ^* oueruoeringe dees heyrs der sonen van Israel, sal besitten al de steden der Cananeen tot Sareptam toe, ende die oueruoeringe van Ierusalem, dien in Bosphoro is, sal) besitten die steden des zuydens.

* the. verdreuene dees heyrs, der kinderen van Israel, die van Canaan tot zarphat toegecomen zijn ende die verdreuene van Ierusalem die in Sepharad comen zijn sullen. § zarphat vanden Ioden ist voor vrankerijc gehouden ende Sepharad voor Hispanien

21

Ende die salichmakers sullen opclimmen opten berch Sion, om te oordeelen den berch Esau, ende dat coninckrijcke sal des HEEREN zijn.

§ Hier eyndt die Propheet Abdias.