De Vorsterman Bijbel

[p. V1v]

[kolom]

§ Hier beghint die Propheet Ozeas

§ Hoe Ozeas Ephraim dicwils Samariam noemt, Ioseph Iesrael, ende een ouerspelige huysurouwe ende kinderen des ouerspels, ende een ouerspeldersse gecamert langen tijt weduwe te sitten, ende onder dat roucleet des mans coemst te verwacht.

§ Dat .i. Capittel

1

⁺DAt is dwoort des HEEREN, dat tot Ozee Beeri sone gheschiet is, inden dagen ^* Ozie) Ioatham, Achas, ende Ezechie der Coningen van Iuda, ende in Ieroboams dagen, Ioas sone, des conincs van Israhel,

+ A

* th. Vsia

2

Dits deerste male dat die HERE door Ozeam gesproken heeft, Ende die HERE heeft tot Ozee geseyt, Ghaet, ende neemt een oncuysch wijf, ende ^* maect) sonen der ^* oncuysheyt) want die aerde oncuyslijck doende sal oncuysheyt bedriuen, vanden HERE,

* Ten is niet int heb.

* the. oncuyscher

3

⁺Ende hi is wech gegaen, ⁺ ende heeft genomen Gomer Debelaims dochter, ende si heeft ontfangen, ende heuet hem eenen sone voort gebracht.

+ B

+ Esa. viij.a.

4

Ende die HERE heeft geseyt tot hem, Noemt sinen naem Iesrael, Want noch tis een weynich, ende ic sal versoecken dat bloet Iezrahel, opten huyse Iehu, ende ic sal doen rusten dat rijck des huys van Israel,

5

Ende in dien dage sal ic te samen breken Iezraels boghe, in Iesraels dal,

6

Ende si heeft noch ontfangen, ende bracht voort een dochter, Ende hi heeft tot hem gheseit, Noemt haeren naem ^* sonder barmherticheyt) Want ic en sal niet meer den huyse van Israel barmhertich zijn, maer ic ^* salse vergheten met vergetentheden.)

* h. ongeontfermde.

* th. salt hem wel vergelden.

7

⁺Ende ic sal den huyse van Iuda ontfermen, ende ic salse behouden door den HERE haeren God, ende ic en salse niet behouden door boghe, noch swaert, noch strijt, noch paerden, noch rosuolc,

+ C

8

Ende si speende die ^* die sonder barmherticheyt was) Ende si heeft ontfangen, ende eenen sone gebaert,

* h. ongeontfermde.

9

Ende hi heeft tot hen gheseit, Noemt sinen naem, Niet mijn volc, Want ghi en zijt mijn volc niet, ende ick sal v God niet zijn,

10

Ende tgetal der kinderen van Israel, sal zijn ghelijc dat zandt der zee, welc sonder mate is, ende ten sal niet getelt worden, Ende in die plaetse daer tot hen gheseyt sal worden, ⁺ ghi en zijt mijn volc niet, sal hen geseyt worden, Si zijn sonen des leuendigen Gods.

+ D

11

Ende die sonen van Iuda ende Israel sullen te samen vergadert worden, ende sullen hen seluen setten een hooft, ende sullen trecken wt den lande, want groot is Iezraels dach.

§ Hoe Israel tot berou geroepen wert, Ende ghestraft wert om haer afgoderije, ende valsche leeringe.