De Vorsterman Bijbel

§ Dat .vij. Capit

1

⁺INden eersten iare van Balthazar des conincs van Babilonien, heeft Daniel eenen droom gesien, dat visioen zijns hoofts in zijn slaepcamere, Ende schriuende den droom met cortten woorden, heeft hi hem begrepen, ende in een cleyn summe tsamen gewonden, Ende hi heeft ^* geseyt,)

+ A

* th. gheantwoort ende gheseyt.

2

Ic sach in mijn visioen bi nachte, ende siet vier winden des hemels vochten in die groote zee,

3

⁺ende vier groote beesten quamen op, vander zee, onder hen versceiden.

+ B

4

Die eerste was gelijc een leeuwinne, ende had vloghelen gelijc een arent, Ende ic sacht aen tot dat haer vlogelen wtgetrocken werden ende si was wechgenomen vander aerden, Ende si stont op die voeten gelijc een mensch, Ende zijn herte is haer gegeuen.

5

Ende siet, die ander bee-[kolom] [afbeelding]ste was eenen beyr gelijc, die stont aen die side, Ende daer waren drie ^* ordinancien) in sinen mont ende in zijn tanden, Ende aldus seyden si hem, Staet op, ende etet vele vleeschs.

* the. ribben

6

Nae desen sach ic, [afbeelding] ende siet, een ander, als een lupaert, ende had vier vluegelen ^* op hem) als eenen vogel, Ende vier hoofden hadde die beeste, Ende haer was machte ghegeuen.

* th. op sinen rugge.

7

Nae desen sach ick een visioen des nachts, ende siet, die vierde beeste, vreeselijc ende wonderlijc, ende zeer starc Si hadde groote yseren tanden, etende ende in-

[p. T5r]

twee knerssende, ende die ouerblijfselen verterde si onder die voeten, Ende si was ongelijc den anderen beesten, die ic sach voor haer, ende si hadde thien hoornen.

8

⁺Ic aensach die hoornen, ende siet, een ander cleyn hoorenken is gesproten wt dat midden van hen, Ende die drie vanden eersten hoorenen zijn wtgeroeit van sinen aensichte, Ende siet, in desen horen, waren oogen gelijc eens menschen oogen, ende eenen mont sprekende hooge dingen.

+ C

9

Ic sac tot dat die ^* throonen) zijn geset gheweest, ende die oude van daghen heeft geseten, Sijn cleet was witblinckende als sneeu, ⁺ ende zijn har des hoofts, als een suyuer wolle, Sinen throon was gelijc vlammen des viers, zijn raders gelijc barnende vier,

* the. stoelen

+ Apo. v.c.

10

ende van sinen aensichte ginc wt een vierige gripende riuiere, Duysentich duysenden dienden hem, ende tien duysentwerf ^* hondert duisent,) stonden bi hem. Doordeel ^* sadt) ende die boecken zijn op gedaen,

* theb. thien duysent.

* theb. wert beseten

11

Ic sach toe, om die stemme der grooter sermoonen, diewelcke daer die horen sprac Ende ic sacht, ^* want) die beeste is doot geslagen ende haer lichaem verghaen is, ende tis den viere geleuert om te verbernen,

* th. tot dat

12

Ende den anderen beesten is die macht afgenomen, ende die tijden des leuens zijn haer ghestelt, tot den tijt ende ^* tijde.)

* theb. wile

13

Ick sach inden visioene des nachts, ende siet, metten wolcken des hemels quam een gelijck eens menscen sone, Ende hi is gecomen totten ouden bedaechden, Ende in zijn aenscouwen hebben si hem gebrocht,

14

Ende hi heeft hem macht gegeuen ende eere, ende trijc, ende dat alle volcken der geslachten, ende die spraken souden hem dienen, Sijn machte is een eewige macht, die niet afgedaen en sal worden, ende zijn rijc dwelcke niet vergaen en sal.

15

⁺Minen gheest is veruaert geweest Ic Daniel ben veruaert gheweest hier af, ende die visioenen mijns hoofts hebben mi verstoort,

+ E

16

Ick ben gegaen tot eenen die daer neuen stont, ende ick vraechde hem die waerheyt, van allen desen dinghen, Die welcke mi seyde, dat beduyden der sermonen, ende hi heeft mi geleert.

17

Dese vier groote beesten, zijn vier rijcken die daer sullen opstaen vander aerden,

18

want si sullen ontfanghen dat rijcke des alderhoochsten heylichs Gods ende si sullen besitten dat rijcke inder eewicheit ende in allen tijden.

19

Daer na woude ick naersteliken leeren, vander vierder beeste, die zeer ongelijc was vanden anderen, ende zeer vreeselic ^* Haer tanden ende nagelen waren yseren) het adt ende brac in twee, ende die ouerblijfselen tredet onder die voeten.

* th. haer tanden yseren ende die nageen metalen

20

Ende vanden tien hoornen diet hadde inden hoofde, ende vanden anderen die daer na was wtgesproten, voor denwelcken vielen drie hoornen, ende van dien horen die ooghen [kolom] hadde, ende eenen mont sprekende hooge dinghen, ende het was grooter dan die ander.

21

⁺Ick sach, ende siet, die horen maecte oorloge tegen die heyligen, ende hi quam hen te bouen,

+ F

22

tot dat quam die oude bedaechde, ende hi ghaf oordeel den heylighen des hooghen, ende den tijt is aengecomen, ende die heylighen hebben dat rijck behouden.

23

Ende aldus heeft hi gesproken, Die vierde beeste, sal zijn tvierde rijck opter aerden, dwelcke grooter sal zijn, dan alle die rijcken, Ende tsal verslinden tgeheele aertrijcke, ende tsalse daer neder treden ende verderuen.

24

Ende die thien hoornen des rijcs, sullen zijn thien coningen, Ende na hen sal een ander opstaen, ende hi sal machtiger zijn dan die voorleden, Ende hi sal vernederen, drie coningen,

25

Ende sal subtile woorden spreken tegen den alderhoochsten, Ende hi sal verdrucken die heiligen des alder oppersten, Ende hi sal meynen, dat hi sal mogen veranderen, die tijden ende die wetten, Ende si sullen geleuert worden in zijn handen, tot eenen tijt, ende twee tijden, ende eenen haluen tijt.

26

⁺Ende dat oordeel sal ^* sitten,) op dat zijn macht soude worden genomen, ende worden teniet gedaen, ende verstroyt worden tot int eynde.

+ G

* th. sal beseten worden

27

⁺ Ende dat rijcke ende die macht, ende die grootheit des rijcs, die daer is onder al den hemel, sal worden gegeuen, den volcke der heyligen, des alder oppersten, Wiens rijck, is een eewich rijck, Ende alle coninghen sullen hem dienen, ende hem gehoorsaem zijn.

+ Luce. i.c.

28

Tot hier toe is dat eynde des woorts, Maer ic Daniel was zeer verbaest in mijn gedachten, ende mijn aensichte, is verandert in mi, Maer de woorden heb ick verwaert in mijn herte.

[afbeelding]

§ Vanden Ram ende vanden bock, ende haer beduytsels, Ende dat nae dese rijcken een coninck van onschamelen aensichte opstaen sal.