De Vorsterman Bijbel

§ Dat .xxxi. Capittel.

1

⁺HEt gheuiel in dat elfste iaer, in die derde maent, op ^* eenen dach) vander maent so geschiede des HEEREN woort tot mi, segghende,

+ A

* th. den eersten dach

2

Des menschen sone, segt, Pharaoni den coninc van Egypten, ende sinen volcke Wien sidy gelijc gemaect in uwer grootheyt

3

Siet, Assur is als die Cederboom opten berch Libano, scoon van tacken, ende dick van looueren

[p. R6v]

ende verheuen in hoocheden, Ende onder ^* dicke looueren) is zijn ouerste ^* top) verheuen.

* the. dicke boomen

* th. schuete

4

Die wateren voeden hem, ende die diepe gront verhieuen op.

⁺ Sijn riuieren liepen al om zijn wortelen, ende hi sandt zijn riuieren tot alle den ^* houten) des lantschaps.

+ B

* h. boomen

5

Daer om is zijn hoocheyt verheuen, bouen alle ^* houten) des lantscaps, ende zijn plantboomen zijn vermenichfuldicht, ende zijn tacken wiesscen hooghe ^* om die vele wateren.

* h. boomen

* h. want hi hadde waters ghenoech, so verre als hi hem wt strect

6

Ende doen hi zijn scaduwe wtghespreyt hadde) so maecten alle die voghelen des hemels haer nesten in zijn tacken, ende alle ^* die beesten vanden bosschen) baerden haer ionghen onder zijn looueren, ende onder zijn scaduwe woonde een menichte van veel heydenen.

* the. wilde dyeren

7

Ende hi was zeer schoon in zijn grootheyt, ende int verbreyden van zijn plantboomen. Want zijn wortele was neffens veel wateren.

8

⁺In Gods paradijse en waren gheen ^* hooger Cederboomen, dan die en was) Die Abeelboomen en werden niet also hooghe, als hi was, ende die ^* boomen Plantanus en waren niet gelijc sine bladeren) Alle die houten van Gods paradijse en waren dien in zijnder schoonheyt niet ghelijck,

+ C

* h cederboomen die hem bedecken

* h. castanienboomen en zijn niet gelijc zijn telgheren.

9

want ick maecte hem schoone van vele ende dicke looueren, Ende alle die ^* houten der weeldicheyt) die in Gods paradijse waren, benideden hem.

* th. boomen van Eden

10

Hier om seyt die ^* HERE God).

⁺ Om dat hi hem verheuen in hoocheden, ende heeft zijn hoocheyt ghegheuen groen ende dicke, ende om dat zijn herte verheuen is in zijn hoocheyt,

* h. heerscappende here

+ D

11

soo hebbe ick hem gheleuert in des alderstercsten der heydenen hant, Doende, sal hi hem doen, Na zijn boosheyt ^* heb ic hem wt geworpen)

* h. sal hi hem veriaghen

12

Ende die vremde, ende die alderfelste vanden nacien sullen hem afhouwen, Ende si sullen hem worpen op die bergen, ende in allen valeyen sullen zijn tacken vallen, ende zijn plantboomen sullen ghebroken worden, in alle den rootsen vanden lande, ⁺ ende al dat volck vanden lande sal wech gaen wt zijnder scaduwen ende si sullen hem verlaten

+ E

13

^* In sinen val woonden alle die vogelen des hemels, ende in zijn tacken waren alle die beesten vanden lande)

* h. Na sinen val sullen alle vogelen des hemels op hem sitten, ende die wilde dyeren des lants bi sine tacken

14

Om dese sake en sullen si niet verheuen worden in zijn hoocheyt, alle die houten vanden wateren, Noch si en sullen haer hoocheyt niet setten onder die dicke ende gheloouerde houten, Noch si en sullen niet staen in haer hoocheyt, alle houten die vanden wateren vocht gemaect worden, Want si zijn al gheleuert totter doot, totten laesten lande int midden vanden kinderen der menschen, totten ge-[kolom]nen die neder varen inden put.

15

Die seyt die ^* HERE God). ⁺ Inden daghe doen hi neder daelde ter hellen, so bracht ick geween inne ic ouerdecte hem metter diepheyt, ende ic verboot zijn riuieren, ende ic bedwanck die groote wateren Die berch Libanus is op hem bedroeft ende alle die ^* houten) des ackers werden ^* tsamen gheslaghen)

* h. heerscapende here

+ F

* th. boomen

* thebr. verdwijnt

16

Vanden gheruchte zijns vals, so beroerde hi die heydenen, als ick hem ^* geleyde) ter hellen, metten genen die neder ghinghen inden put. Ende in dat nederste lant werden verstroost alle die ^* houten der weeldicheyt) met die scoone ende heerlijcke vanden berch Libano, al die veruerscht werden metten wateren.

* the. afstiet

* th. boomen van Eden

17

Want si sullen ooc gaen met hem neder ter hellen, totten genen die verslaghen zijn metten swaerde, ^* Ende elcs arm sal sitten onder zijn scaduwe, in die middewaert van zijnder nacien)

* h. die te voren onder zijns arms scaduwe geseten waren,

18

o heerlijcke ende hooghe onder die houten der weeldicheyt, wien sidy ghelijc geworden? O siet, ghi zijt metten houten der weeldicheyt geleyt totten lesten lande?

Ghi sult slapen in die middewaert der onbesnedender, met hen die metten swaerde verslagen zijn. Dese is Pharao, ende al zijn menichte, seyt die ^* HEERE God.)

* h. heerscapende here

§ Die claghelijcke beweeninge ouer Pharaonem dat hi gheleuert soude worden Nabuchodonosori, om ghedoot te worden. Ende van die ruesen tyrannen die welcke ter hellen dalen.