De Vorsterman Bijbel

§ Dat .xix. Capittel.

1

⁺ENde ghi des menschen sone, neemt aen geween ouer die princen van Israel,

+ A

2

ende ghi sult segghen, Waeromme heeft v moeder die leeuwinne, onder die leeuwen gerust? Int midden vanden leeukens voede si haer welpen,

3

Ende si leyde eenen van haeren leeukens wt, ende hi wert een leeuw, ende hi leerde roof vangen, ende menschen te etene,

4

Ende die heydenen hoordent van hem, ende si ^* en vinghens niet sonder zijn wonden,) ende si brochten hem met kethenen int lant van Egipten

* th. vingen hem in haeren gracht.

5

⁺Als die leeuwinne sach, dat si ghecranct was ende dat haer ontbeyden verloren was, so namsi eenen anderen van haeren leeukens, ende sette hem tot eenen leuwe.

+ B

6

Die welcke ghinck onder dye leeuwen, ende wert een leeuw, ende hi leerde roof vanghen, ende menschen te eten,

7

hy ^* leerde weduwen temaken), ende haer steden te brenghen in wildernisse, Ende dat lant wert verlaten, ende zijn volheyt, vander stemmen zijns briesschens,

* th. vernielde haer palleysen

8

⁺Ende die heydenen vergaderden van allesins vanden ^* prouincien) tegen hem, ende spreyden haer netten op hem, ^* Met haeren wonden wert hi gheuaen) si deden hem in een ^* keuie,)

+ C

* th. palen.

* th. dat hi in haeren gracht soude gheuangen worden

* th. tralie.

9

Met kethenen brachten si hem totten Coninc van Babilonien, ende si deden hem in eenen kercker, datmen voortmeer op die bergen van Israel zijn stemme niet hooren en soude.

10

^+* Vwe moeder is, als eenen wijngaert in uwen bloede, opt water gheplant, Sijn vrucht ende zijn bladeren wiessen wt vele wateren,

+ D

* thebr. uwe moeder was gelijc een wijnrancke die aen veele waters geplant is van die welcke hi groen ende vruchtbaer wert, ende creech so starke roeden, dat hi wel dooch tot stauen der regerenden.

11

ende het zijn hem gheworden vaste roeden tot sceptren der ghenen die heerscappie hebben,) Ende zijn hoocheyt is opgewassen onder die ^* bladeren) Ende hi sach zijn hoocheyt in die menichte van sinen rancken,

* th. scueten

12

ende hi wert wt gheroeyt in gramscappen, ende nedergheworpen op die aerde. Ende een barnende windt verdroochde zijn vruchte, Sijn starcke roeden zijn verdroocht, ende si zijn wt ghemercht, ende dat vier adt den wijngaert.

13

Ende hi is nv ouergeplant inder wildenissen int lant dat sonder wech is, ende dorstich,

14

ende een vier quam wter roeden van sinen telgeren, die welcke zijn vrucht heeft gegeten, ende inden wijngaert en was gheen starke roede, ende eenen sceptre der ghenen die regeren, ^* Hi is beweent ende hi sal totten gheween zijn.)

* the. dat is clagelijc ende beclaghenswaert.

§ Hoe God niet en wilt antwoorden den vrageren om der sonden wille, Ende hi straft haerluyden sonden, ende Gods lasteringe, van die verworpinge des wets ende der offerhande.