De Vorsterman Bijbel

§ Dat .xv. Capittel.

1

⁺ENde des HEREN woort ghesciede tot mi seggende,

+ A

2

Des menschen sone ^* Wat salmen doen den houte vanden wijngaert van allen den houten der bosschen, die daer zijn onder die houten der bosschen)?

* h. waer toe is wijngaert hout sonderlinck goet, ende die wijngaertscuete onder ander houten des wouts

3

Salmen daer niet afnemen een hout, datmender een werc afmake? oft salmender af maken eenen ^* staec)

* th. nagel

[p. Q6r]

datmen daer een yeghelijck vat aen hanghe?

4

Siet, het is den viere in spijse ghegeuen, beyde zijn deelen heeft dat vier verteert, ende dat middelste deel daer af is verdorret. ⁺ Salt tot eenigen werc oorboorlijck zijn?

+ B

5

Oock doent geheel was, so en wast niet orboorlijc tot eenighen wercke. Hoe veel meer? alst dat vier verbrant heeft, ende verslint, so en salmender gheen werck af maken mogen,

6

Hierom seyt dit die ^* HEERE God) Also dat hout vanden wijngaert is onder dat hout vanden bosschen, dat ick den vier hebbe ghegeuen te verbernen, also sal ick leueren dye ghene die tot Hierusalem woonen,

* th. heerscapende heer

7

ende ic sal mijn aensichte teghen hen setten, Si sullen ⁺ wt den viere comen) ende dat vier salse verteeren, Ende ghi sult weten dat ick dye HERE ben, als ic mijn aensichte teghen hen gheset sal hebben,

+ h. den viere niet ontloopen mogen

8

ende als ic dat lant ghegheuen sal hebben onwanckelbaer ende verwoest, om dat si ouertreders geweest hebben, seyt dye ⁺ HEERE Godt)

+ th. heerscapende here.

§ Die vertellinghe der onsuyuerheyt ende boosheyden van Hierusalem. Ende die straffinghe daer si door totter salicheyt geroepen werden. Ende god rechtuaerdicht Sodomam ende Gomorram bi Hierusalem teghelijckene.