De Vorsterman Bijbel

§ Dat .xlv. Capittel.

1

⁺HEt woort dat Ieremias die Propheet, tot Baruch Nerias sone sprac, doen hi dese woorden gescreuen hadde in een boeck, wt Ieremias monde, in Ioachims Iosias sone des conincs van Iuda, vierden iare, seggende.

+ A

2

Dit seyt die HEERE God van Israhel, tot v Baruch.

3

Ghi hebt gheseyt, Wee my catijf, want die HEERE heeft tot mine pijne noch pijne ghedaen.

⁺ Ick hebbe ghearbeyt in mijnen versuchten, ende ick en hebbe gheene ruste gheuonden.

+ B

4

Ghy sult

[p. O6r]

aldus tot hem seggen. Aldus seyt die HEERE, Siet die ic ghesticht heb, die breke ic weder, ende die ic geplant heb, die roede ic weder wt, ende dit geheele lant,

5

ende ghi ^* soect grote dingen? En wiltse niet soecken) want siet ic sal quaet brengen op alle vleesch, seyt die HERE, ende ic sal uwe siele geuen ^* in salicheit) in alle plaetsen daer ghi toe reysen sult.

* th. begeert te grooten dinc en doet dat niet

* the. voo en buet

§ Gods woort tegen Egipten ende haer steden, dat si souden bedoruen worden. Hoe Iacob ende Israel ontfermenisse belouet wert, ende verlossinghe met haeren vrienden.