De Vorsterman Bijbel

§ Dat .xxxviij. Cap.

1

⁺SAphatias Mathans sone, ende Ihedelias Phassurs sone, ende Iuchal Selemias so-[kolom]ne, ende Phassur Melchias sone hoorden dye redenen die Ieremias sprac tot allen den volcke, seggende,

+ A

2

dit seyt die HERE, So wie bliuet in dese stat, die sal steruen metten zwaerde ende metten honger, ende metter pestilencie, Maer die oueruliet totten Caldeeuscen, die sal leuen, ende sine ^* siele sal gesont zijn ende leuende).

* h. leuen voor een buete, daer van brenghen

3

Dit seyt die HERE ^* leuerende, sal dese stat geleuert worden) in des conincs van Babilonien heyrs hant, ende hi salse winnen.

* the. certeyne sal dese stat gheleuert worden.

4

Ende dye princen seyden den coninck. Wy bidden, datmen desen man dootslae. Want met desen opset ontbint hi der mannen, der vechters handen, ⁺ die gebleuen zijn in dese stat, ende alle des volcs handen, om dat hi aldusdanige woorden tot hen spreect. Want dese man en soect niet den vrede van desen volcke, maer haer quaet.

+ B

5

Ende dye coninc Sedechias seyde. Siet, hi is in uwen handen ^* Want ten is niet behoorlijck dat die coninc v yet ontseggen soude)

* th. die coninc en vermach sonder v niet

6

Hierom namensi Ieremiam, ende werpen hem in Malchias Amalechs soons put, die in dat portael vanden kercker was, Ende si lieten Ieremiam neder met zeelen, inden put daer geen water in en was, maer slijck. Ende aldus ghinc Ieremias neder in dat slijck,

7

Ende Abedmelech die moriaen, een ghelubt camerlinc, een man die van des conincs huys was, hoorde dat si Ieremiam inden put neder ghelaten hadden.

⁺ Ende die coninc sadt in BenIamins poorte

+ C

8

Ende Abedmelech ghinc wt des conincs huis ende hi sprac totten coninc, ende seyde.

9

Mijn heer coninc, dese mannen hebben qualic gedaen, al dat si gedaen hebben tegen Ieremiam den propheet, dat si hem geworpen hebben inden put om dat hi daer steruen soude van honger, Want in die stadt en is gheen broot meer,

10

Ende die coninc beual aldus Abedmelech den moriaen ende seyde.

Neemt van hier dertich mannen met v, ende trect Ieremiam op wt den putte, eer hi sterue,

11

Hierom nam Abedmelech die mannen met hem, ende ghinck in des Conincs huys, dat onder den kelder was, ende hi nam van daer oude lakens ende oude cleederen die verrot waren, ende hi lietse met zeelen neder tot Ieremiam inden put.

12

⁺Ende Abedmelech seyde tot Ieremiam den propheet, Legghet die oude lakens, ende dese vuyle geschoerde cleederen onder den ellenboghe van uwen handen, ende op die zelen. Ende Ieremias dede alsoo,

+ D

13

Ende si togen Ieremiam wt met zeelen, ende leyden hem wt den put, Ende Ieremias bleef in dat portael des kerckers.

14

Ende die coninck Sedechias sandt, ende dede

[p. O3r]

Ieremiam den propheet tot hem comen totter derder dueren, dye in des HEEERN huys was, Ende die coninc seyde tot Ieremiam, Ic vrage v een reden, en verbercht niet van mi

15

Ende Ieremias seyde tot Sedechiam, Oft ict v vercondige, en sult ghi mi niet dooden? Ende geue ic v raet, ghi en sult mi niet hooren,

16

Ende Sedechias swoert al heymelic Ieremia, ende seyde ^* Die HEERE leeft die ons dese siele gemaect heeft, oft ic v dooden sal, ende oft ic v leueren sal in deser mannen handen, die v siele soecken).

* the. so waer als god leuet, dye ons dat leuen gegeuen heeft, ic en sal v niet doden, ende dese mannen die v na tleuen staen, niet leueren.

17

Ende Ieremias seyde tot Sedechiam, Dit seyt dye HEERE der heyrscharen God van Israel, ⁺ Ist dat ghi reysende wtgaet tot den princen des conincs van Babilonien, so sal v ^* siele leuen) ende die stat en sal niet verbrant worden metten viere, ende ghi sult ^* behouden zijn) ende v huys.

+ E

* the. uwe leuen bliuen

* th. leuende bliuen.

18

Maer ist dat ghi nyet wt en gaet totten princen des conincs van Babilonien so sal dese stat gheleuert worden inder Caldeeuscher hant, ende si sullense verbernen metten viere ende ghi en sult nyet ontulieden van haren handen,

19

Ende Sedechias die coninc seyde tot Ieremiam, Ic heb sorge voor die Ioden die ouergeuloden zijn totten Caldeeuschen, dat ic bi auontueren in haren handen geleuert worden mochte, ende dat si mi bespotten souden,

20

Ende Ieremias antwoorde hem, Sy en sullen v niet leueren, ⁺ Ic bidde v, hoort des HEREN stemme, die ick tot v spreke, ende v sal wel zijn, ende ^* v siele sal leuen)

+ F

* th. leuende bliuen

21

Maer ist dat ghi niet en wilt wtgaen, soo is dit die redene, dye mi die HEERE vertoont heeft,

22

Siet, alle die vrouwen die gebleuen zijn in des conincs huys van Iuda, sullen wtgeleyt worden totten princen des Conincs van Babylonien, ende si sullen seggen, Dijn vredelike mannen hebben v verleyt, ende zijn te bouen comen tegen v, si hebben uwe voeten gesteken inden slijcke, ende in die glatheyt, ende zijn van v wech ghegaen,

23

Ende alle uwe vrouwen ende uwe kinderen sullen geleyt worden totten Caldeeuschen, ende ghi en sult niet ontulieden haren handen, maer ghi sult geuangen worden door des Conincs van Babilonien hant, ende sal dese stat verbernen metten viere.

24

Ende hier om seyde Sedechias tot Ieremiam ⁺ En laet niemant dese woorden weten, so en sult ghi niet steruen,

+ G

25

Maer ist dat die princen hooren, dat ic met v ghesproken hebbe, ende comen si tot v, ende segghen v, Segt ons wat ghi metten coninc gesproken hebt, en verberget ons niet, ende wi en sullen v niet dooden? ende wat die coninc met v gesproken heeft? [kolom]

26

so sult ghy tot hen seggen, Ic viel neder ende dede mijn bedinge voor den coninc, dat hy niet gebieden en soude mi weder te leyden in Ionathas huys, ende dat ic daer steruen soude

27

Hier om quamen alle die princen tot Ieremiam ende si vraechden hem, Ende hi antwoorde hem, na alle die woorden die hem die coninck beuolen hadde, Ende si hielden op van hem.

Want niet en was daer gehoort.

28

Ende Ieremias bleef in dat portael vanden kercker, totten dage dat Ierusalem gewonnen was, Ende tgeuiel dat Ierusalem ghewonnen wert.

§ Hoe die stadt ghewonnen zijnde, Sedechias vluchtede ende gheuangen wert, ende liet Nabizardan ende Godoliam, ende die arme des volcs te Ierusalem.