De Vorsterman Bijbel

§ Dat .Lvi. Capittel.

1

⁺DIt seyt die HERE, bewaert dat oordeel, ende doet rechtuaerdicheyt, Want mijn salicheyt is bi ghenaect dat si come, ende mijn rechtuaerdicheyt, dat si gheo-

+ A

[p. L5r]

penbaert worde.

2

Salich is die mensche, die dese dinghen doen sal, ende des menschen sone, die in dit aengrijpen sal, die den Sabboth bewaren, dat hi dien niet en ontheylighe, ende bewaert zijn hant, dat hi met allen gheen quaet en doe.

3

Ende dat die sone des toecomelincs die den HERE aenhangt, niet en segghe, segghende, Afscheydende heeft mi die HEERE afghescheyden van sinen volcke, Ende dat die ghesneden niet en segghe, siet, ick ben een hout dat verdorret.

4

Want dit seyt die HERE den ghesnedenen, die mijn Sabathen sullen onderhouden, ende sullen dat ghene verkiesen dat ick wille, ende die onderhouden mijn verbont.

5

⁺Ick sal hen gheuen in mijn huys, ende in mijn mueren een ^* plaetse) ende eenen naem, beter dan den sonen ende dan den dochteren, ick sal hen eenen eewighen naem gheuen, welcke niet vergaen en sal. ⁺

+ B

* the. deel

+ Sap. iij.d.

6

Ende den kinderen des toecomelincs, die aenhanghen den HEERE, om dat si hem dienen souden, ende op dat si ^* sinen naem) lief souden hebben, op dat si hem tot knechten zijn souden, so wie den Saboth bewaert dat hi dien niet en ontheylighe, ⁺ ende mijn verbont onderhoude. ⁺

* th. den naem des Heeren

+ C

+ mat. xxi.b mar. xi.c. Luc. xix.g.

7

Ick salse leyden totten berghe mijnder heyligher plaetsen, ende ick salse verurolijken inden huyse mijns ghebets, haer brantofferhanden, ☞ ende haer dootofferen sullen mi aenghenaem op mijnen outaer zijn, Want mijn huys sal een bedehuys heeten allen volcken.

8

Dit seyt die ^* HEERE God) vergadert die verstroeyde van Israel, noch sal ick tot hen vergaderen alle zijn vergaderde.

* h. heerscapende HERE.

9

Alle beesten des velts ^* coemt) om te verslinden, alle beeste des boschs.

* th. zijn ghecomen.

10

Alle zijn wachters zijn blint, ende en hebben niet gheweten, si alle zijn stomme honden, si en konnen niet bassen, si sien ydelheden, si slapen, ende beminnen den slaep.

11

⁺Ende die onschamelste honden en wisten gheene satheyt, Ende die herders selue en wisten die verstandenisse niet, Si alle zijn afgheweken tot haeren weghen, ⁺ elck tot zijn ghiericheyt, vanden oppersten totten laetsten.

+ D

+ Hiere. vi.c Sap. ij.b

12

Coemt, laet ons wijn nemen, ende laet ons veruult worden van dronckenschap, ende het sal ghelijck huyden oock morghen zijn, ende veel meerder.

§ Dat op des rechtuaerdighens doot niet gheacht en wort. Ende hoe si Christum ende die die sine veruolghen, ghestraft worden. Ende vanden afgoden