De Vorsterman Bijbel

§ Dat .liij. Capittel.

1

⁺WIe heeft onsen ^* ghehoore) ghelooft? ende wien is den arm des HEEREN gheopenbaert?

+ A

* the. gheruchte.

2

Ende tsal opclimmen ghelijck een spruytken voor hem, ende ghelijck een wortel van dorre aerde, hi en heeft gheen ghedaente, ende gheen schoonheyt, ende wi saghen hem, ende hi en hadde gheen aenschouwen, ^* ende wi begheerden hem.)

* the. dat wi hem begeert hadden.

3

Versmaet ende den laetsten der mannen, een man der smerten, ende wetende wat crancheyt is, Ende gelijck verborghen was zijn aensicht, ende hier om en hebben wi hem niet gheacht. ☜

4

☞ Voorwaer hi heeft onse qualen gheleden, ende onse smerten heeft hi selue ghedraghen, ⁺ ende wi hebben hem gheacht als eenen malaetschen ⁺ gheslaghen van Gode ende vernedert.

+ mat. viij.b i.Pet. ij.d.

+ B

5

☞ Maer hi is ghewont om onse onrechtuaerdicheyden, ende hi is om onse sonden in twee ghewreuen, onse straffinghe des vredes [kolom] was op hem, met wiens buylen wi ghenesen zijn.

6

Wi alle hebben gelijck schapen ghedwaelt, een yeghelijck heeft in sinen wech gheweken, ende die HERE heeft onser alder onrechtuaerdicheyt op hem gheleyt. ☜

7

⁺Hi is gheoffert, want hi selue wilde, ende hi en dede sinen mont niet open, ⁺ Ghelijck een ^* schaep) sal hi om te dooden gheleyt worden, ende ghelijck een ^* lam) voor den ghenen diet scheeret, sal hi stom zijn, ende en sal sinen mont niet open doen.

+ C

+ Act. viij.f.

* the. lam.

* th. schaep.

8

Vander benautheyt ende vanden oordeele is hi wech ghenomen, Wie sal sine gheboorte vertellen? want hi is afghesneden vander aerden der leuender, om die sonde mijns volcs, heb ick hem gheslaghen.

9

Ende hi sal den ongodlijcken gheuen voor die begrauinghe, ende die rijke voor zijn doot om dat hi gheen boosheyt ghedaen en heeft, ⁺ ende gheen bedroch in sinen mont gheuonden en is.

+ ij.Pet. ij.d.

10

⁺Ende die HEERE wilde hem vernielen in crancheyt, Ist dat hi zijn ziele voor die sonde sedt, so sal hi een zaet sien, van langhe leuen, ende den wille des HEEREN sal in zijnder hant voorspoedich zijn gheschickt.

+ D

11

Om dat zijn ziele ghearbeyt heeft, sal hi sien, hi sal verzaet worden, In zijn konste sal mijn rechtuaerdighe knecht vele rechtuaerdich maken, ende haer ^* onrechtuaerdicheden) sal hi selue draghen, ⁺

* h. misdaden

+ Luc. xxij.d mar. xv.d.

12

☞ Daerom sal ick hem veel deelen, ende der stercken roouen sal hi deelen, om dat hi zijn ziele totter doot gheleuert heeft, ende metten misdadighen is hi gherekent, Ende hi heeft veelre luyden sonden ghedraghen, ende voor die ouertreders heeft hi ghebeden. ☜

§ Hoe die Ioden ende Heydenen totten ghelooue gheroepen worden, Ende hoe dat die kercke van costelijcke steenen ghetimmert wort, ende belonet zijn barmherticheyt ghelijck hijse Noe bewees.