De Vorsterman Bijbel

§ Dat .xv. Capittel.

1

⁺DEn last van Moab. Want inder nacht is verwoest Ar Moab, si heeft gesweghen, want inder nacht is verwoest ^* die muere,) Moab heeft gheswegen.

+ A

* the. Kir. Ie. xlviij.f Eze. vij.e.

2

^* Dat huys ghinck op, ende Dibon tot die hoochten, om te weenen op Nabo, ende op Medeba sal Moab huylen, In allen sinen hoofden is caluheyt,) alle sinen baert sal gheschoren worden.

* the. Si is op die hooghete tot Baith, ende Dybon gegaen, om te weenen Moab sal huylen op Nebo ende Medaba, ende al haer hoofden zijn kael.

3

In sinen drie wechscheyden, zijn si metten sack ghegordet, op daer daken ende in haer straten, sal si alle huylinghe nederdalen met schreyinghe.

4

Hesebon sal roepen, ende Eleale, ende haer stemme sal verhoort worden tot ^* Iasa) toe. Op dit stuck sullen die bereyde ter oorloghen van Moab huylen, haer ziele sal haer seluen huylen.

* th. Ihaz.

5

⁺Mijn herte sal tot Moab roepen, haer hantboomen zijn gheulucht tot ^* Segor, dat driemael gheslaghen nedergheuelt calf,) Want door den opganck van Luhith in weeninghe salt opgaen, ende inden weghe Horonaim, sullen si roepinghe der droeffenissen opheffen.

+ B

* the. Zoar dat drieiarige calueren waren

6

⁺Want die wateren Nemrim sullen verwoest zijn, want dat cruyt is verdorret, ende die spruyt is vergaen, ende alle dat groene is verstoruen.

+ C

7

Na die grootheyt des wercs is oock haer besoeckinghe, Si sullense leyden tot die beke der willighen,

8

want den roep sal ommegaen, ⁺ Die palen van Moab haer huylinghe is tot ^* Gallini,) ende zijn roepinghe totten putte Helim,

+ D

* h. Eglaim

9

Want die wateren van ^* Dybon) zijn veruult metten bloede, Want ick sal stellen toedoen ouer Dybon, den ghenen die vlieden den leeuwe van Moab, ende den ouerblijuende des lants.

* th. Dimon

§ Van dat lamme den beminden des heerschappers des aertrijcs. Ende dat dat ouerblijfsel salich sal worden.