De Vorsterman Bijbel

§ Dat .viij. Capittel.

1

⁺ENde die HEERE seyde tot mi, Nemet v een groot boeck, ende schrijft daer inne met eens menschen griffie, ^* Trect haestelijck af die roouen, rooft.)

+ A

* the. dat hi haeste totten buyte, snel totten roof.

2

Ende ick nam tot mi ghetrouwe ghetuyghen, Vriam den Priester, ende Sachariam Barachias sone.

3

Ende ick ghinck totter propheterssen, ende si ontfinck, ende baerde eenen sone. Ende die HERE seyde tot mi, Heet sinen naem ^* Spoet v, trect af die roouen, haest v om te roouen.)

* the. Haest buyte snel roof.

4

Want eert kint sal connen gheweten te roepen mijn vader ende mijn moeder, sal die macht van Damasco wechghenomen worden, ende den roof van Samarien, voor den Coninck van Assyrien.

5

Ende die HEERE sprack voorder tot mi, segghende.

6

☞ Om dat dit volck die wateren Siloe heeft verworpen, die stillijcken vloeyen, ende heeft ^* meer tot tot hem ghenomen) Rasin ende Romelias sone.

* th. hem verhuecht mee

7

Siet daerom sal die HEERE machtighe ende stercke water der stroomen ouer hen brenghen, den Coninck van Assyrien, ende alle zijn ^* glorie,) ende hi sal ouer alle zijn ryuieren opclimmen, ende hi sal ouer alle zijn oeueren vloeyen.

* the. macht

8

Ende sal gaen door Iudam ende sal oueruloeyen, ende sal doorgaen, ende doorgaende sal hi totten necke toe comen, Ende die wtstreckinghe zijnder vloghelen sal zijn veruullende die breetheyt ws lants, O ⁺ Emanuel.

+ § Emanuel, dat is, God is met ons.

9

Ghi volcken wort vergadert, ende wort verwonnen, ende luystert tot alle landen van verre, ⁺ Wort sterckelijck ghemoet, ende wort verwonnen, Wort ghehoort om te strijden, ende wort verwonnen,

+ B

10

Gaet aen, ende hout raet tsal verstroeyt worden, Spreect een woort, ende het en sal niet gheschieden, want die HERE is met ons.

11

Want dese dinghen seyde die HEERE tot mi, ghelijck met een stercke hant onderwees hi mi, op dat ick niet inden weghe deses volcs en soude gaen, segghende.

12

En segghet niet, Tsamen verbijndinghe, want alle dat dit volck spreect, is tsamen verbijndinghe, ende en vreest met zijn vreese niet, ende en schroemt niet.

13

Den HEERE der heyrscharen selue, hey-

[p. I4r]

lighet, ☞ ende hi selue si v vreese, ende hi selue si v schroeminghe.

14

Ende hi sal v tot een heylichmakinghe zijn, Maer tot eenen steen des aenstootens, ende tot eenen harden steen des vals den tween huysen van Israel, ende den ghenen die te Ierusalem woonen, tot eenen strick ende val.

15

Ende vele van hen sullender hen ^* aenstooten,) ende si sullen vallen, ende in stucken ghewreuen worden, ⁺ ende si sullen ghestrict ende gheuanghen worden.

* h. aenstruykelen.

+ C

16

Bijnt dit betuyghenisse, beseghelt die wet, in minen discipulen.

17

☞ Ende ick sal den HEERE verbeyden die sine aensicht verbercht heeft van Iacobs huyse, ende ick sal hem verwachten.

18

☞ Siet ick ende die kinderen die mi die HEERE ghegheuen heeft tot teekenen ende wonderen in Israel, vanden HEERE der heyrscharen, die woonende is opten berch Zion.

19

Ende als si tot v segghen, Vraghet vanden ^* wijchelaers ende waersegghers, die knersende zijn in haerder touerijen) En sal tvolck niet van sinen Gode ^* die visione vraghen voor die leuendighe ende die dooden.)

* the. waersegghers, teeken bedieders die opter vogelen gescrey achten, oft de besweerders.

* th. vragen salmen die doden voor die leuende vragen

20

☞ Maer totter wet ende totten ghetuygenisse Ist dat si niet na dit woort en segghen, ⁺ so en sal hen gheen licht der morghenstonde zijn.

+ D

21

Ende hi sal door tlant gaen, ende vallen, ende als hi hongher hebben sal, so sal hi gram zijn, ende hi sal vloecken sinen Coninck, ende God, ende sal opwaerts sien.

22

Ende sal die aerde aenschouwen, ende siet, druck ende duysternis, ^* ende onbondenheyt ende benautheyt, ende schemeringhe veruolghende,) ende hi en sal niet moghen wech vlieghen van sine banghicheyt.

* th. want hi is met anxt verduystert ende int doncker verstooten.

§ Van Christus gheboorte, ende van zijnder macht ende rijck, ende van die omworpinghe van Iuda ende Iersalem propheteert hi.