De Vorsterman Bijbel

[p. H3r]

§ Hier beghint Salomons ghebet.

§ Dit Salomons gebet, en is hier niet int Griecs gelijck geheel Ecclesiasticus is, Maer int derde boeck der coninghen, int achtste Capittel .C. suldijt vinden, daer dit ghehaelt is.

1

⁺ENde Salomon buichde zijn knien in die teghenwoordicheyt der gheheelder ghemeynten van Israel, ende hi dede zijn handen op totten hemel,

+ A

2

Ende seyde, HEERE Israels Godt, daer en is gheen ghelijcke God in den hemel bouen, noch opter aerden beneden, ghi die v verbont verwaert, ende v ontfermherticheyt uwen knechten die in uwen aenschouwen gaen, in alder herten

3

die houdet uwen dienaere Dauid, dat ghene dat ghi hem ghesproken hebt, ende het gesproken met uwen monde, ende met uwer hant hebt ghijt veruult gelijck desen dach,

4

Ende nv HEERE Israels Godt, bewaert uwen knechte Dauid minen vadere, dat ghi hem gesproken hebt, seggende, V en sal gheen man ghebreken van mijnen aensichte, sittende in den throon van Israel, Maer nochtans ist dat v kinderen mijn wet verwaren, ende in mijn geboden wandelen, gelijck die gheloouighe in mijn aenschouwen hebben ghewandelt.

5

Ende nv HEERE Israels Godt, is dat woort geloeft, dat ghi uwen dienare Dauid ghesproken hebt,

6

⁺want ist dat Godt warachtelijc metten menschen opter aerden heeft gewandelt, Ist dat die hemel ende der hemelen hemelen, v niet ghenoech en zijn, hoe vele meer dit huys dat ick ghetimmert hebbe,

+ B

7

Maer siet, totten gebeden ws knechts ende zijn afbiddinghe, dat ghi HERE verhoort die versoeninghe des ghebets, dat v kint huyden voor v bidt,

8

ende uwe ooghen moeten dach ende nacht, ouer dit huys zijn, op die plaetse, in die welcke ghi hebt gheseit uwen naem aen te roepen, Ende verhoordt dat gebet, datwelcke v dienaer huyden bidt in deze plaetse,

9

ende verhoort dat gebet ws knechts ende ws volcs van Israel, als si bidden, in dese plaetse, ende verhoortse in der plaetsen uwer wooninghen van den hemel ende verhoort ende weest goedertieren, ende genadich,

10

ist dat eenich man tegen v heeft gesondicht.

§ Hier eyndet Salomons ghebet.