De Vorsterman Bijbel

§ Dat .xlix Capittel.

1

⁺IOsias ghedachtenisse is gheuonden in die tsamenmenginghe des ruecs ghemaect, eens apotekers werck,

+ A

2

Sijn gedachtenisse sal in allen mont worden versoet als huenich ende als soeten sanck in die maeltijt des wijns, ⁺

+ iiij.re. xxiij

3

Hi was ghestiert van Gode tot penitentien des volcs, ende hy dede wech die vereysingen der ongoddelijcheit,

4

Ende hi stierde zijn herte totten HEERE, ende inden daghen der sonden, stercte hi die goddiensticheyt.

5

Alle coninghen behaluen Dauid, ende Ezechiam, ende Iosiam hebben sonde ghedaen.

6

Want die coningen van Iuda hebben des alderhoochsten wet verlaten, ende si hebben Gods vreese versmaet,

7

Want si hebben haer rijck den anderen gegheuen, ⁺ ende haer heerlijcheyt vremden gheboorne volcke,

+ B

8

si aenstaken die wtuercoren stadt der heylicheyt, ende si maecten zijn weghen woest in Ieremias handt,

9

want si handelden hem qualiken, ⁺ die van tsmoeders buyck een propheet gheheylicht wert, wt te keeren, om te trecken ende te verdoen, ende weder te timmeren, ende te vernieuwen.

+ Ier. xxviij Ierem. i.b

10

Ezechiel die dat aenschouwen der heylicheyt sach, ⁺ dwelcke hy hem thoonde, inden waghen Cherubim.

+ Ezechie. i.

11

Want hi ghedachte der vianden inden reghen, den ghenen wel te doen, die rechte weghen thoonden.

12

Ende der twaelf propheten beenen spruyten van haerder plaetsen, Want si stercten Iacob, ende si verlosten hen door tghelooue haerder cracht.

13

Hoe sullen wy Zorobabel grootelijck gheprisen, Want hi is oock als een teeken in dye rechte handt,

[p. H2r]

van Israel,

14

⁺Ende Iesum Iosedechs sone, die in haeren daghen dat huys stichteden, ⁺ ende verhoochden, den tempel die den HEERE gheheylicht was, bereyt tot eewigher heerlicheyt,

+ D

+ Aggei. ij.d zacha. iij.a i.Esd. iij.b

15

Ende Neemias is in die ghedachtenisse veel tijts, die ons oprechtede die omgeworpen mueren, ⁺ ende dede die poorten ende die sloten staen, die onse huysen oprechtede.

+ Nee. vij.a.

16

Niemant en is gheboren opter aerden ghelijc Enoch, Want hi is oock opghenomen vander aerden. ⁺

+ Genesi. l.d

17

Ende Ioseph die een mensce gheboren is, een Prince der broederen, een vasticheit des volcs, een regeerder der broederen, een vastmakinghe des volcks,

18

ende zijn beenen zijn besocht, ende si propheteerden na die doot.

19

Seth ende Sem hebben eere bi die menschen vercreghen, ende bouen alle zielen in Adams oorspronck.