De Vorsterman Bijbel

§ Dat .iij.Capittel.

1

⁺DEr rechtuaerdigher sielen, zijn in Godes handt, ende die pijne der doot en sal-[kolom]se niet aenroeren.

+ A

2

Si schijnden den ooghen der onwijsen te steruen,

3

ende haeren wtghanc wert quellinghe geacht, Ende vanden rechten wech ghinghen si in den doot, ende dat van ons den wech des doots is, maer si zijn in vrede.

4

Ende al ist dat si voor die menschen pijnlicheden geleden hebben, haer hope is vol onsterffelicheyts,

5

In luttel zijn si gequelt, In velen sullen si wel beschict worden, want God heeftse ondersocht, ende heeftse zijns waerdich geuonden,

6

Hi proefdese als gout int forneys, ende hi ontfincse, als een offerhande des brantoffers, ende inder tijt sal haer aenmerckinge zijn

7

Die rechtuaerdige sullen blincken, ende als voncken in dat riet loopen,

8

Si sullen die nacien oordeelen, ⁺ ende si sullen ouer tvolck heerschappie hebben, ende haer HERE sal inder eewicheyt regeren,

+ Mat. xiij.f

9

⁺die in hem betrouwen, die sullen die waerheyt verstaen, ende die gheloouige inder liefden, sullen hem ghehoorsaem zijn, want zijn wtuercorene hebben een gaue ende vrede,

+ B

10

Maer die ongoddelijcke sullen berispinghe hebben, na dat si gedacht hebben die den rechtuaerdighen veracht hebben, ende zijn vanden HEERE gegaen,

11

Want wie wijsheyt ende onderwisinghe van hem worpt, die is onsalich, ende haer hope is ydele, ende haer arbeyden sonder vruchten, ende haere wercken zijn onnut.

12

Haer wiuen zijn wtsinnich, ende haer kinderen zijn die quaetste schalcken, Haer creatuer is veruloect,

13

⁺ Want salich is die onuruchtbare, ende die onbesmette, ⁺ die gheen bedde en wiste in misdade, Si sal hebben vrucht in dat aenschouwen der heyligher sielen,

+ C

+ luc. xxiij.d gala. iiij.d.

14

Ende een besnedene, die gheen ongherechticheyt door zijn handen en heeft ghewrocht, noch die alder schalcste dinghen nyet teghen Godt en heeft ghedacht, want dien sal die wtuercoren ghaue des gheloofs gegeuen worden, ⁺ ende een bequame lot inden tempel Goodts,

+ Esai. liij.b

15

Want die vruchte der ghoeder arbeyden, is glorioos, ende dye wortele der wijsheyt die nyet en veruallet.

16

Maer die kinderen der ouerspeelders sullen in die verderffenisse zijn, ⁺ ende dat zaet sal vanden ongherechten bedde verdoruen worden,

+ D

17

Ende al ist dat si van langen leuen sullen wesen, si sullen te niet worden gherekent ende haere laetste outheyt sal sonder eere zijn,

18

Ende ist dat si haestelijc steruen, soo en sullen si gheen hope hebben, noch toesprekinghe, inden dage der kennissen.

19

Want die ongerechtighe natien zijn van wreeder voleyndinge.