De Vorsterman Bijbel

[afbeelding]

[p. E1r]

Hier begint dat boec der wijsheyt: datmen Sapientie heet

§ Dat eerste Capittel.

1

⁺HEbt lief die rechtuaerdicheyt, ghi die die aerde oordeelt. Geuoelt vanden HEERE in goetheyde, ende soect hem in eenuoudicheyt des herten.

+ A

2

Want hy wort gheuonden vanden ghenen die hem niet en temteren, ⁺ ende hi openbaert hem den ghenen die geloof in hem hebben.

+ Iere. iij.d.

3

Want verkeerde gedachten verscheyden van Gode, ⁺ maer geproefde duecht bererispt die onwise

+ Ebre. iiij.d

4

Want die wijsheyt en sal niet inghaen in een quaetwillige siele, noch si en sal niet in een lichaem woonen dat der sonden onderdanich is.

5

Want die heylige gheest der onderwijsinge, ⁺ sal den geueysden vlien, ende hi sal hemseluen wech nemen vanden gedachten die sonder verstant zijn, ende sal berispt worden vander ouer comender onrechtuaerdicheyt.

+ B

6

Want die gheest der wijsheyt is goedertieren, ende hy en sal den vermalediden van sinen lippen niet verlossen, want Godt is zijnder nyeren ghetuych, ende een waerachtighe ondersoeckere zijns herten, ende een hoorder zijnder tongen,

7

want den gheest des HEEREN heeft den omganc der aerden veruult, ende dat alle dinghen onthoudt, heeft die kennisse der stemmen.

8

⁺Daerom, die ongerechte dingen spreect, en mach [kolom] niet verborghen bliuen, noch dat berispende oordeel en sal hem niet voorbi ghaen.

+ C

9

Want in des ongoddelijken gedachten sal die vraghinge zijn, ende die hooringhe zijnder reden sal tot Godt comen, ende tot die berispinge van zijn onrechtuaerdicheyt.

10

Want die oore ^* des zeloesen) hoort alle dinghen, ende dat gherucht der murmuracien, en sal niet verborgen worden

* oft des ondersoeckers wt liefden

11

Hierom wacht v van murmureringe die niet en vordert, ende spaert uwer tonghen van achterclap,

11

Want een duyster reden en sal niet te vergheefs gaen, maer eenen mont die liecht, doot die siele.

12

En wilt die doot niet beneersten, in dolinghe ws leuens, noch en beiaecht dat verlies inden wercken uwer handen nyet.

13

Want Godt en heeft die doot nyet gemaect, noch hi en verblijt hem niet in dat verlies der leuendiger.

14

⁺Want hi schiep alle dinghen, om dat si wesen souden, ende hi heeft alle geslachten der aerden geneselijc gemaect ende in hen en is gheen medicine der verderffenisse, noch der hellen rijc inder aerden,

+ D

15

want die rechtuaerdicheyt is eewich ende onsterffelijc, ⁺

+ Sapi. xv.b

16

Maer onrechtuaerdicheyt is die vercrijginghe der doot, Maer die ongodlijcke hebbense doen comen, met handen ende woorden ende die achtende een vriendinne, zijn si afgeuloeyt, ende si setten belouinghen aen haer, want si zijn die doot waerdich, die wt haeren partie zijn.