De Vorsterman Bijbel

§ Dat .iiij. Capittel.

§ Die stemme Christi.

1

^* HOe) scoone sidy mijn vriendinne ^* hoe) scoone sidy? uwe oogen zijn gelijc duyuen oogen, ⁺ behaluen ^* dat daer binnen verborghen is) Vwe har is ghelijck die geyten cudden, die ^* opclimmen) vanden berch ^* Galaad)

* thebre. siet

* thebre. siet

+ A

* h. die tuyten

* the. geschoren zijn

* th. Gilead

2

Vwe tanden zijn gelijc die cudde der gheschoren schapen, die wt dat wasschen comen die altemale ^* twee vruchten) draghen, ende onder hen en is gheene onuruchtbaer.

* th. tweelinghen

3

Vwe lipppen zijn gelijck een ^* huyue) van roode side, ende uwe redenen zijn soete, Vwe wanghen zijn ghelijc die schale aenden granaetappele, behaluen ^* dat daer binnen verborghen is)

* the. snoer

* h. de tuyten

4

⁺Vwen hals is gelijck Dauids toorne, die ghetimmert is met tinnen, om wt te vechten, daer wt duysent schilden hanghen ende alderhande wapenen der starcken.

+ B

5

Vwe twee borsten zijn ghelijck twee ionghe rehen ^* twee vruchten,) die in die lelien weyden,

* th. tweelinghen

6

tot dat den dach koel worde, ende die schaduwe wijcke.

§ Die bruydegom spreect tot hemseluen.

Ick sal totten myrren berch ghaen, ende totten wieroocs houele.

§ Christus tot der heyligher kercken

7

Ghi zijt in alder manieren schoone, mijne vriendinne, ende daer en is gheen vlecke aen v.

8

Coemt mijne bruyt van Libano, coemt van Libano, coemt inne, ghi sult ghecroont worden vander hoochten Amana, vander hoochten Sanir ende Hermon, vander wooninghen der leeuwen, vanden berghen der leopaerden.

9

⁺Ghi hebt mijn herte hequetst, mine suster ende bruyt met uwer ooghen eene, ende door uwer ^* halsharen) eene.

+ C

* th. halsketenen

10

Hoe fraey zijn uwe borsten, mine suster, lieue bruyt? Vwe borsten zijn schoonder, dan [kolom] wijn, ende den rueck uwer saluen, ghaet te bouen alle welrieckende cruyden.

11

Vwe lippen, mijn bruyt, zijn ghelijck druypende honichraten, honich ende melck, is onder uwe tonghe, ende uwer cleederen rueck is ghelijck den wieroocs rueck.

12

⁺Ghi zijt eenen besloten hof, mijn sustere ende bruyt, eenen besloten hof sidy, een geteykende fonteyne,

+ D

13

Vwe spruytkens zijn gelijck een Paradijs van Granaet appelen, met edelen vruchten der boomen, Cyperen, met Narden,

14

Narden met Soffraen, Cassiafistel ende Caneel, met alderley boomen van Lybano, Myre ende Aloes, met allen besten wel ruykenden cruyden,

15

Een fonteyne, een put der leuender wateren, die met eenen starcken doorganc van Libano vloeyen

§ Christus roept die heydenen te samen.

16

Staet op Noortwint, ende coemt zuydtwint, ende wayt door minen hof, op dat sine welruyckende cruyden druypen.