De Vorsterman Bijbel

§ Dat .vi. Capittel

[p. D5v]

1

⁺EEn ander quaet isser dat ick sach onder der sonnen, ende tis ghemeyn bi den menschen,

+ A

2

Een man dyen Godt rijcdom, goeden ende eere ghegeuen heeft, ende hem en gebreect geens, dat zijn herte begheert, ende God hem nochtans gheen macht en geeft, des seluen te genieten, maer een ander salt verslinden, Dat is oock ydelheyt ende een groote ^* kattiuicheyt)

* the. plage

3

Al waert dat yemant ooc hondert kinderen wonne, ende leefde veel iaren, ende hadde veel dagen van ouderdom ende zijn ziele en gebruycte niet van den goede haerder rijcdommen, ende bleef sonder graf, Van dien spreke ick, dat een verworpelinck beter si dan hy,

4

Want te vergheefs coemt hi, ende tot duysternisse vaert hi daer henen, ende sinen naem sal vergeten worden,

5

Hi en sach die sonne niet, ende en wiste geen ^* ondersceyt tusscen goet ende quaet)

* the. ruste noch hier, noch daer.

6

al waert dat hi ooc tweeduysent iaer leefde, ende en heeft noyt met welluste zijn goet gebruyct En comet niet al tot eender plaetsen?

7

⁺Alle arbeyden des menschen zijn in sinen mont, Maer die ziele en sal nyet veruult worden,

+ B

8

want wat heeft een wijse meer dan een sotte? ende wat ^* heeft die arme, dan dat hi ghinder reyst daer tleuen is,)

* the. helpet den armen dat hi weet te wandelen voor de leuende § Leuende dat is, die wel leuen, ende teren

9

Tis beter te sien dat ghi begheert, dan te wenschen dat ghi niet en kent, Maer dat is ooc ydelheyt ende beroemenisse des gheests.

10

Die noch wesen sal, dies naem is nv genoemt, ende bekennet, dat een mensche is ende en mach niet twisten int rechte, tegen dien die hem te machtich is,

11

Daer zijn vele woorden hebbende vele ydelheyts.

§ Van met meerders ende hooghers te soecken dan dat des menschen staet en betaemt, Van sommighe beste ende quade te kiesen, Van die gramschap te schouwene.