De Vorsterman Bijbel

§ Dat .xiij. Capit.

1

⁺EEn wijs sone ^* is die leeringhe des vaders) maer die een spotter is, en hoort daer niet na als hi berispt wort. [kolom]

+ A

* the. laet hem leeren vanden vader

2

Een man wort verzaeyt met goet vander vrucht des monts, Maer die ziele der onduechdeliker is onrechtuaerdich.

3

Wie sinen mont bewaert, die bewaert zijn ziele, Maer wie onbedacht is om te spreken, die sal quaet gheuoelen.

4

Die luye ^* wil, ende en wil niet, Maer die ziele der neerstigher wercluyden sal vet worden.)

* th. begeert ende zijn ziele en heeft toch niet

5

Die rechtuaerdighe sal verachten lueghenachtige woorden, Maer die ongodlijcke beschaemt, ende ^* sal beschaemt worden.)

* th. versmaet

6

⁺Die rechtueerdicheyt behoet den wech des onnooselen, Maer dongodlijck wesen terdet den sondaer onder die voeten.

+ B

7

^* Daer is een alleleens recht of hi rijc waer die niet en heeft, ende daer is een recht oft hy arme waer, die nochtans in vele rijcdommen gestelt is.)

* h. Daermen meynt het si rijcdom, daer en ist niet Ende daermen meynt het si armoede daer is oueruloedicheyt.

8

Die rijcdommen zijn den manne die verlossinghe zijnder zielen, Maer die arme en verdraecht gheen berispinghe.

9

Dat licht der rechtuaerdigher maect vrolijc, Maer die lanterne der ongodliker sal wtghebluscht worden.

10

Onder den hoouaerdigen is altoos twist, maer die met raet alle dingen doen, die woorden met wijsheyt gheregeert.

11

Die haesten rijcdomme sal gemindert worden, Maer die allenskens metter hant verghadert wort, sal vermenichfuldicht worden.

12

⁺Die hope die wtghestelt wort, benaut ^* die ziele,) maer eene begheerte die daer coemt, is eenen boom des leuens.

+ C

* h. therte.

13

Wie dat ^* eenich dinck) lastert, verbindt hem seluen in toecomenden tijden, Maer wie dat ghebot vreest, die sal vrede hebben.

^* Die bedriechlike zielen dwalen in sonden, Maer die rechtueerdige zijn barmhertich ende ontfermen.)

* th. woort

* ten is niet int hebree.

14

Die wet des wijsen is een leuende fonteyne, om die stricken des doots te miden.

15

Een ^* goede leeringhe) geeft ghonste, Maer inden wech des versmaders is een verslijndende grippe

* the. aengenaem cloecheyt

16

Een loos mensche doet alle dinc met raet, Maer die een sot is, doet open die sotheyt.

17

Een ongodlike bode sal vallen int quaet ongeluc, maer een getrouwe legaet is heylsaem.

18

Wie castiende onderwisinghe laet varen, dien behoort armoede ende schande toe, ⁺ maer wie die straffinghe bewaert, sal ter eeren comen.

+ D

19

Als een begeerte coemt, die doet der zielen saecht, Maer die sotten verachten hem die dat quaet mijdet.

20

Wie metten wijsen omme gaet, die sal wijs worden, maer so wie der sotten vrient is, die sal ^* hen gelijc worden.)

* th. ongeluc hebben

21

Ongeluc veruolcht die sondaers, maer den rechtuaerdighen sal goet

[p. C5r]

worden vergouden,

22

De goede laet erfgenamen achter zijn kinderen ende kints kinderen, maer des sondaers goet, wort den rechtuaerdigen voor ghespaert.

23

Vele spise, is in der ^* landen der vaderen), maer den sommigen wordense verghadert, sonder oordeel.

* the. armen gewenden.

24

Wie zijn roede spaert, die hatet sinen sone, Maer wie hem lief heeft, die onderwijst hem naerstelic

25

Die rechtuaerdighe etet, ende veruult zijn ziele maer der ongodlijcker buyc, is altoos onuersadelijck.

§ Van een wise vrouwe, van der ossen starcheyt, van den sot, van den bedriechlijcken wech.