De Vorsterman Bijbel

§ Dauids .C. ende .xvij. psalm. ⁺ § Confitemini domino.

+ int. heb. den C.xviij. psa

1

⁺BElidet den HERE, dat hy is soo goet, ende dat zijn barmherticheyt eewelic duert.

+ A

2

Israel segge nv,⁺ dat hi goet is, want zijn barmherticheyt eewelic duert.

+ Hebre. xi.a

3

Aarons huys segge nv, Dat zijn barmherticheyt eewelic duert.

4

Die den HERE vreesen seggen nv, dat zijn barmherticheit eewelick dueret.

5

In mijnen drucke aenriepe ick den HERE, ende die HERE verhoorde mi inder ruymte.

6

Die HERE is mijn hulper, Ick en sal nyet vreesen, wat mi een mensche doet.

7

Die HERE is mijn hulper, ende ic sal ^* versmaden alle) mijn vianden.

* the. minen. th. lust sien aen.

8

Het is beter in den HERE te betrouwen, Dan hem te betrouwen op die menschen.

9

Het is beter inden HERE te betrouwen, Dan te hopen op princen.

10

⁺Alle heydenen hebben mi omuaen, ende inden name des HEREN heb ic my teghen hen gewroken.

+ B

11

Si hebben mi omuangende al om ende omme omuaen, Maer inden name des HE-[kolom]REN heb ic mi teghen hen ghewroken.

12

Si hebben mi omringhelt ghelijc byen, si ^* hebben zeer ghebernt) ghelijc dat vier inden doornen, Maer inden name des HEEREN heb ic mi teghen hen ghewroken.

* th. zijn verlesschet.

13

Ic ben gestooten ende omghekeert, dat ick vallen soude, Maer die HERE heeft ^* mi ontfangen)

* th. mi gheholpen

14

Die HERE is mijn stercheyt ende minen lof, ende is mi mijn salicheyt gheworden.

15

Daer is een stemme van blijschappen ende salicheyts inden tenten der rechtuaerdigher.

16

Die rechte handt des HEREN heeft gedaen stercheyt, ⁺ Die rechte hant des HEREN ^* heuet mi) verheuen, Die rechte handt des HEREN heeft stercheyt ghedaen.

+ C

* the. is.

17

Ick en sal niet steruen, maer leuen, ende vertellen dat werck des HEREN.

18

Dye HERE castijende heuet mi ghecastijt, Maer hi en heeft my der doot niet ouer gheleuert.

19

Doet mi open die poorten der rechtuerdicheyt, ende als ic daer ingegaen ben, sal ic den HEERE belijden.

20

Dat is die poorte des HEREN, Dye rechtuaerdighe sullen daer ingaen. ⁺

+ Mat. xxi.a

21

Ick sal v ^* belijden) dat ghi my verhoort hebt, ende zijt my mijne salicheyt gheworden.

* th. dancken

22

Den steen die die tymmerlieden verwerpen, is tot eenen hoecksteen geworden.

23

Dat is vanden HEERE gheschiet, ende het is een wonderlic dinc voor onse ooghen.

24

Dit is den dach, dien die HERE ghemaect heeft, Laet ons verbliden ende vrolic daer inne zijn.

25

⁺O HERE helpt ende maect mi gesont ende salich, O HERE latet wel ghelucken.

+ D

26

Gebenedijt is hi die daer coemt inden name des HEREN, Wi hebben v gebenedijt vanden huyse des HEREN

27

Die HERE is God, ende hi heeft ons verlicht. ^* Sedt den vierdach in die dicke boomen) tot aen die hoornen des outaers.

* th. verciert de feeste met meyen.

28

Ghi zijt mijn God, ende ic sal v beliden, Mijn God sidy, ende ic sal v verheffen. ^* Ic sal v beliden want ghi mi verhoort ende zijt my geworden tot een salicheyt.)

* Ten is niet int hebr.

29

Belidet den HERE, want hi goet is ende zijn barmherticheyt duert eewelijc.