De Vorsterman Bijbel

§ Den .C. ende .xi. Psalm. Alleluya ⁺ Beatus vir qui timet

+ int heb. den C.xij. psal

1

⁺SAlich is die man die den HERE vreest ^* Hi sal zeer veel willen) in zijn gheboden.

+ A

* th. Dye lust heeft

2

Diens saet sal machtich zijn opter aerden, dat geslachte der oprechtigher sal ghebenedijt worden.

3

^* Ere) ende rijcdommen sullen in zijn huys zijn, ende zijn gerechticheyt blijft inder eewicheyt.

* th. Goet

4

Den oprechten ghinck dat licht op in duysternisse ^*, Bermhertich is hi goedertieren ende rechtuerdich)

* the. Vanden genadigen barmhertigen ende rechtuaerdigen

5

^* Genoechlic is die mensche die ontfermet ende leendt, hi sal bescicken zijn redenen inden ordeel)

* theb. Een goet man is barmhertich ende leent geerne. Ende deylt zijn woort rechte wt.

6

Want hy en sal inder eewicheyt niet beroert worden.

7

In eewiger gedenckenisse sal die rechtuaerdige zijn, want hi en sal nyet vreesen vanden quaden gheruchte, Sijn herte is bereyt op den HEERE te hopen.

8

Sijn herte is gheuesticht ende en sal niet beroert worden tot dat hi ^* versmaet) zijn vianden,

* th. siet sine lust aen

9

Hi deylde wt ende gaeft den armen, zijn gerechticheyt blijft eewelic, ⁺ Sinen hoorn sal verheuen worden met eeren.

+ B

10

Die ^* sondaer) salt sien ende sal gram worden, Sijn tanden sal hi te samen biten, ende sal verdwinen, Want die begheerte der ^* sondaren) sal vergaen.

* th. ongodlike.

* th. ongodliken.