De Vorsterman Bijbel

Dauids c. ende .x. Psalm. Alleluya. ⁺ Confitebor tibi domine.

+ int heb. den C.xi. psal.

1

⁺HEERE, ick sal v beliden, wt mijnder geheelder herten, Inden raet der oprechtigher, ende inder ghemeynten.

+ A

2

Groot zijn de wercken des HEEREN, ^* tot allen sinen wille wtghesocht.)

* th. besoekt allen, die lust daer toe hebben

3

Belijdinge ende heerlicheyt is zijn werck, Ende zijn gerechticheyt blijft vander eewicheyt totter eewicheyt.

4

Hi heeft een gedenckenis gemaect van sinen wonderlicheden, Die genadige ende ontfermhertige HEERE.

5

Hi heeft spise gegeuen den ghenen die hem vreesen. Hi sal gedencken zijns testaments tot inder eewicheyt. ⁺

+ iob. xxviij.

6

⁺Hi sal die cracht zijnder wercken sinen volcken te kennen gheuen,

+ B

7

Op dat hi hen die erffenisse der heydenen soude geuen Die wercken zijnder handen zijn waerheyt ende oordeel,

8

Alle zijn geboden zijn getrouwe Si worden vast gemaect altoos ende eewelijcken, Ende ghemaect in warachticheden, ende rechtuaerdicheden.

9

Hi heeft een verlossinghe ghesonden sinen volcke, zijn verbont gheboden eewelijck. Heylichlijc ende veruaerlijcken is sinen naem

[p. B2r]

10

Die vreese des HEREN is dat beginsel der wijsheyt. Sijn verstant hebben alle die daer na doen, Sijn lof blijft inder eewicheyt.