De Vorsterman Bijbel

§ Dauids psalm, hooch te singen. den .c.viij psalm. ⁺ Deus lau

+ int heb. den C.ix. psal.

2

^+* GOd minen lof en swiget niet) Want die mont des ongodliken, ende die mont des be-

+ A

* theb. God mijns lofs en swijcht niet

[p. B1v]

driechliken hebben hen ouer mi open gedaen

3

Ende si spraken tegen mi met valschen tongen Ende omuingen mi met hatigen woorden in alle plaetsen. Ende streden tegen mi, sonder oorsake

4

Daer voor dat si me liefhebben souden, lasterden si mi, ⁺ Maer ick badt.

+ B

5

Si stelden tegen mi quaet voor goet, ende haet, voor mijn liefde.

6

Selt den ^* sondaer) ouer hen, ende die ^* duyuel) moet tot zijnder rechter hant staen.

* th. ongoddelijcken

* th. Sathan

7

Als hi gheuonnist wort, moet hi verdoemt wt gaen, Ende zijn gebet moet hem tot sonde zijn geacht. ⁺

+ Actuum. i.d.

8

Sijnder dagen moeten weynich worden, ende zijn bisdom moet een ander ontfaen.

9

Sijn kinderen moeten weesen worden, ende zijn wijf een weduwe.

10

Sijn kinderen moeten ongestadich zijn, ende broot bidden, Ende wtgeworpen worden wt haer huysinge.

11

Die woekenaer moet ^* doorsoecken) alle zijn erffenisse, ende die vremde moeten sinen arbeyt beroouen.

* th. wtsuygen

12

Ende daer en moet niemant zijn die hem helpe ende niemant en ontferme hem zijnder weesen

13

Sijn ^* gheboren kinderen) moeten te niet gedaen worden, Sinen naem moet in een ^* gheboorte) wtgedaen worden.

* h. nacomelinghen

* thebre. ledt

14

⁺Sijnder vaderen misdaet moet gedacht worden voor des HEREN aensichte, ende zijnder moeder sonde en moet niet wtgebluscht worden.

+ C

15

Si moeten tegen den HEERE zijn altoos, ende haer gedenckenisse moet wtgeroeyt worden opter aerden.

16

Daeromme dat hi niet en gedachte dat hi barmherticheyt bewesen hadde,

17

Ende veruolchde den allendigen ende den bedelaer, ende dien met bedroefder herten, dat hi hem dooden soude.

18

Ende hi ^* beminde maledictie) ende si sal hem comen, Hi en wilde gheen gebenedijnge, si sal ooc verre genoech van hem bliuen Ende hi trac aen die vermaledijnge, gelijc een cleet, ende is in zijn ^* inwendicheit) gegaen, gelijc water, ende ghelijc olie, in zijn ghebeenten.

* th. vloecte gheerne

* the. inghewandt

19

So worde si hem gelijc een cleet daer hi mede bedect wort, ende als een gordel daer hi hem altoos mede gordet.

20

^* Dit is dwerck den genen, die mi achterclappen, bi den HERE) ende spreken quaet tegen mijn ziele.

* th. So geschiede den ghenen vanden Heere die mi tegen zijn

21

Maer ghi HERE, HERE, doet met mi, om ws naems wille, Want uwe barmherticheit is soete, ⁺ Verlost mi,

+ D

22

Want ic ben arm ende allendich, ende mijn herte is verbaest in mi.

23

Ick ben wech genomen, ghelijc een schaduwe daer henen vaert, Ende worde wtgestooten gelijc de sprinchanen.

24

Mijn knyen zijn onsterck van vasten ende mijn vleesch ^* verandert, om der olien wille.)

* the. mager dattet geen vet en heeft

25

Ende ick ben gheworden ^* haer verwijt) als si mi saghen, schudden si haer hooft.

* th. haeren spot

26

Staet mi bi, HEERE mijn God, maect mi ghesont naer uwe barmherticheyt. [kolom]

27

Ende si sullen weten, dat dit uwe hant is, ende dat ghi HEERE, dit ghedaen hebt.

28

Si sullen vermaledijen, ende ghi sult gebenedien, Laet beschaemt wesen, die tegen mi op staen, Maer uwe knecht sal hem verbliden.

29

Die van mi achterclap spreken, moeten met beschaemtheit aengedaen worden, ende met haerder scanden gecleet worden als met een wambaes.

30

HERE, ic sal v naerstelijc beliden met minen monde, ende v prisen onder vele.

31

Want hi stont den armen ter rechter hant, dat hi zijn ziele soude behouden vanden veruolghers.