De Vorsterman Bijbel

§ Dauids .xciii. psalm. ⁺ Deus ultionum dominus.

+ int heb. den xciiij. psal.

1

⁺GOd is die HEERE des wraken, Die HEERE des wraken ^* heeft vrylijck gedaen.)

+ A

* theb. openbaert

2

Verheft v ghi die de aerde oordeelt, Vergelt den hoouaerdigen na haerder daet.

3

HEERE, hoe lange sullen die ongodlike, Hoe lange sullen die ongodlike hen verhuegen?

4

^* Si sullen wtspreken, die onrechtueerdicheyt wercken) ende alle die quaetheyt wercken, sullen spreken.

* th. ende hartneckelijken wtspreken

5

HEERE, si hebben v volc ^* vernedert), ende uwe erffenisse gequelt.

* the. verslaghen

6

Weduwen ende vremdelingen hebben si verslagen, ende dooden die weesen.

7

Ende si seyden, die HERE en sals niet sien, ende Iacobs god, en salt niet verstaen.

8

⁺Merct doch ghi sotten onder tvolc, ^* ende ghi dwasen verstaet in sommigen tijt.)

+ B

* thebr. ghi dwase wanneer suldi verstandich wesen

9

En sal hi niet hooren, die de oore gheplant heeft? die die ooghe gemaect heeft, en merct hijs niet?

10

Die de heydenen castijt, en soude die niet straffen? Die de menschen leert die conste?

11

Die HEERE weet dye ghedachten der menschen, dat si ydel zijn.

[p. A6r]

12

Salich is die man, ⁺ dien ghi HEERE castijende onderwijst, ⁺ Ende leert hem, door uwe wet,

+ i.corin. iij.

+ C

13

Dat ghi hem ^* versoet met verduldicheyt, vanden quaden daghen,) Tot dat den ongodlike den put worde gegrauen.

* the. verduldicheyt geuet ter quader tijt

14

Want de HEERE en sal zijn volc niet verstooten, noch zijn erffenisse niet verlaten.

15

^* Totter tijt toe, dat die rechtuaerdicheyt verkeert wort int oordeel, ende wie zijn by haer? alle die oprecht van herten zijn.)

* the. Want doordeel sal weder te rechte comen, ende dien sullen volghen alle oprechte van herten

16

Wie sal bi mi staen, tegen die boosachtige? Wie sal tot mi treden teghen die quaetdoenders.

17

Ten waer dat die HEERE mijn hulper ware, So waer mijn ziele scier in die helle ghebleuen woonen.

18

Als ick sprack, minen voet heeft ghestruyckelt, HEERE, uwe barmherticheyt sal mi helpen.

19

^* Nader menichten mijnder bedroeffenissen) in mijnder herten, so stercte uwe troostinghe mijn ziele.

* the. Als ic vele becommeringen hade

20

⁺Aenhangt oock aen v, den stoel der boosheit ghi die maect arbeyt int ghebot?

+ D

21

Si sullen gripen na die ziele des rechtuaerghen, ende verdoemen donschuldich bloet.

22

Ende de HEERE is mi tot eender toeulucht gheworden, ende mijn God tot eender hulpen mijns toeuerlaets.

23

Ende hi sal hen haer onrechte vergelden, ende salse in haer boosheyt verstooren,

24

Die HEERE onse Godt salse verstooren.