De Vorsterman Bijbel

§ Den .xliiij. psalm. ⁺ § Eructauit cor meum verbum. § Een lieflijc liedt ende onderwijsinge der kinderen Chore vanden lelien, hooch te singen.

+ int. heb. den xlv. psalm

2

⁺MIin herte heeft wtgesproken een goet woort, ic segge den coninc mijn wercken Mijn tonge is een veder des scriuers, die snellic scrijft.

+ A

3

Ghi zijt schoonder van ghedaenten bouen die sonen der menscen, die gracie is gestort in dijnen lippen, daeromme heeft v God inder eewicheyt gebenedijt.

4

Wort gegort met dijn sweert op dijn dgie, ghi aldermachtichste,

5

^* In dijnre ghedaente ende schoonheyt voorneemt, ende gaet gheluckelijken voort ende regneert. Om der warachticheyt) sachtmoedicheyt, ende rechtueerdicheyt, ende v rechter handt sal v wonderlic ^* leyden.)

* thebr. met prijs ende geciere. V moetet gelucken metten geciere gaet voort metter waerheyt.

* the. leeren

6

Scerp zijn uwe pijlen, die volcken sullen onder v vallen, in die herten der vianden des conincs.

7

⁺Godt uwen stoel blijft altoos ende eewelick, dat ceptrum ws rijcs is een cepter der rechtueerdicheyt.

+ B

8

Ghi hebt bemint die rechtueerdicheyt, ende gehatet die boosheyt, Daeromme heeft v God, uwe God gesaluet, met olye der blijschappen, meer dan uwe gesellen.

9

Myrrhe, wieroock, cassiaphistelen hangen aen uwen cleederen, vanden yuoren huysen wt der welcken v verblijt hebben der coninghen dochteren in uwer eeren.

10

Die coninginne stont aen v rechter side, in vergulde gewaden ^* omhangen met veelderhande veranderinge van verwen.)

* ten is niet int hebreu

11

⁺Hoort dochter, ende siet, ende neyget uwe oore, vergeet ws volcs ende ws vaders huys,

+ C

12

Ende die coninck sal begheren v schoonheyt, want hi is v HEERE, ende uwe God, ende ^* si sullen hem aenbeden.)

* thebr. ghi sult hem aenbeden.

13

Ende die dochteren Tyri sullen bidden dijn aensichte met giften, ende ^* alle) die rijcken des volcs.

* ten is niet int hebr.

14

^* Alle huer glorie zijn die dochteren des co-

* the. geheel heerlick is des conincs dochter van binnen

[p. Ii3v]

nincs van binnen) ^* in vergulde lijsten

* the. Haer cleet is ghewrocht gout, Si sal tot den coninc in ghesticten cleederen geleydt worden

15

omhanghen met gesticte cleederen van menigerhande verwen.) Die maechdekens sullen tot den coninc na huer ingheleyt worden, Huer naesten sullen tot v ghebrocht worden.

16

Sy sullen worden gebrocht in blijschappen ende verhueginghe, ende sullen inden tempel des conincs geleyt worden.

17

⁺In stede uwer vaderen hebt ghi kinderen ghecreghen, Die sult ghi tot princen stellen bouen allen landen.

+ D

18

Ick sal ws naems gedencken van geslachte tot gheslachten. Daeromme sullen v die volcken ^* beliden) eewelick ende immermeer.

* th. dancken