De Vorsterman Bijbel

§ Dauids .xxiij. Psalm. ⁺ § Domini est terra.

+ int heb. den xxiiij. psal.

1

⁺DIe aerde is des HEREN, ende haer volheyt, Dat aertrijcke ende alle gader dye daer inne woonen.

+ A

[p. Hh6v]

2

Want hi heeft hem bouen dat aertrijc ende bouen die zee, gefundeert, ende die wateren bereyt.

3

Wie sal in des HEREN berch opclimmen oft wie sal in zijn heilige plaetse staen?

4

Die onsculdige handen heeft, ende reyn van herten is, die zijn siele niet te vergeefs en ^* heeft ontfangen) noch sinen naesten in valsch bedroch niet en heeft gesworen.

* th. verheft

5

⁺Die sal die benedictie vanden HERE ontfaen ende ontfermherticheit van god sine salicheyt.

+ B

6

Dit is dat geslachte der geender die hem soecken, die soecken het aensicht van Iacobs god.

7

^* Ghi princen doet op v poorten) ende ghi poorten der eewicheyt wort verheuen, ende die coninc der eeren salder ingaen.

* th. ghi poorten heft uwe hooft op

8

⁺Wie is dese coninc der eeren? Het is de HERE sterc ende machtich, die HERE, machtich inden strijdt.

+ C

9

^* Ghi princen doet op v poorten) ende ghi poorten der eewicheyt wort verheuen, ende die coninc der eeren sal daer ingaen.

* th. ghi poorten heft uwe hooft op

10

Wie is dese coninc der eeren? die HERE der crachten, hi is selue coninc der eeren.