De Vorsterman Bijbel

§ Dauids xvi. Psalm. Dauids gebet. ⁺ § Exaudi

+ int heb. den xvij. psalm.

1

⁺HERE hoort mijn gerechticheit, merct op mine bedinge, Ontfanct mijn ghebet met uwen ooren, niet in bedriechlike lippen.

+ A

2

Laet mijn oordeel van uwen aenschijn voortgaen, Laet uwe ooghen sien wat recht is.

3

Ghi hebt mijn herte geproeft, ende snachts besocht, ende hebt mi ondersocht met den viere ende daer en is geen onrechtuaerdicheit in mi geuonden.

4

Ic heb harde wegen bewaert, om die woorden uwer lippen, om dat minen mont niet seggen en soude der menschen wercken

5

⁺Volmaect minen ghanc in uwe voetpaden, dat mine voetstappen niet en slipperen,

+ B

6

Ic heb gheroepen, want God ghi hebt mi verhoort, Neycht uwe ooren tot mi, ende verhoort mine woorden.

7

Maect v bermherticheden wonderlic, ghi die salich maect die gene die in v hopen.

8

Vanden ghenen die dijn rechter hant wederspannich zijn. Bewaert mi ghelijc die ooghen eenen oochappel, beschermt mi onder die scaduwe dijnre vlogelen.

9

Voor die ongodlike die mi hebben leet ghedaen, mine vianden, die hebben al omme mine siele omringhet.

10

Si hebben haere vetheyt besloten, haeren mont heeft houaerdie gesproken.

11

Die mi wechworpen, hebben mi omringhet. Si hebben opset gehadt haer oogen neder te slaen ter aerden.

12

⁺Si hebben mi ontfangen als een leeu die ten roof bereyt is, ende als een welpken der leeuwen dat woont in verborgen holen.

+ C

13

HERE staet op, voorcoemt hem ende tredet hem onder die voeten, verlost mijn siele vanden ongoddelijcken,

14

ende ^* uwe

* th. met uwen swaerde Vanden liden ws hants.

[p. Hh5r]

sweert van dijnre vianden hant) ⁺ HERE scheytse af van een luttel menschen, vander aerden binnen haer leuen, van uwen verborghen dingen is haeren buyck veruult, Si zijn versadet van kinderen, ende hebben haeren cleynen kinderen gelaten dat haer ouer bleef

+ D

15

Maer ic sal in rechtueerdicheyt mi vertoonen dijnen aenschijn, ende ic sal versadet worden als haer dijn eere openbaert