De Vorsterman Bijbel

§ Dauids .xv. Psal. Dauids gulden Cleijnoot ⁺ § Conserua

+ int heb. den xvi. psalm

1

⁺HERE behout mi, want ic in v hebbe gehoept.

+ A

2

Ic heb totten HERE geseyt, ghi zijt mijn God, want ghi en behoeft mijn goeden niet.

3

Den heyligen die in sinen lande zijn daer onder is minen wille wonderlic gemaect

4

Haer crancheden zijn vermenichfuldicht na dien haesten si, Ic en sal haere versamelingen niet vergaderen vanden bloedigen sonden, [kolom] noch ic sal haer namen niet gedencken door mijn lippen.

5

⁺Die HERE is mijn deel van mijnder erffenisse, ende mijns kelcs, ghi zijt die mi mijn erffenisse sult wederom geuen.

+ B

6

Die coorden zijn geuallen in zeer vernoemde plaetsen tot minen profijte, want mijn erffenisse is mi seer wel vernaemt.

7

Ic sal den HERE louen, die mi verstant gegeuen heeft, Daerenbouen hebben mi mine nieren berispt tot den nacht toe.

8

Ic hebbe den HERE altoos voor oogen, Want hi is mi ter rechter hant, op dat ic niet beroert en soude worden.

9

Daerom heuet hem verblijdt mijn herte, ⁺ ende mijn ^* tonge) is vrolick geweest, daerenbouen sal mijn vleesch rusten ^* in hope).

+ C

* th. eere

* th. vridelijc

10

Want ghi en sult mijn siele niet inder hellen laten, ende niet toelaten dat v heylige die verganckelicheit sie Ghi hebt mi kenlic gemaect des weghen ws leuens, ende ghi sult mi veruullen met uwen aensicht met blijscapen, die wellusticheden zijn in v rechter hant ten eynde toe.