De Vorsterman Bijbel

§ Dat .viij. Capit.

1

⁺DOen antwoorde Baldad van Suith ende sprac.

+ A

2

Hoe lange suldi dusdanige dingen spreken? ende die geest der redenen ws monts menichfuldich wesen?

3

Meynt ghi dat God trechtueerdelic oordeel onder die voten treet, oft dat die almachtige dat recht is, verkeert?

4

Al waert ooc so dat uwe sonen hadden tegen hem gesondicht, dat hise inde handen van haere misdaet ghelaten hadde.

5

Stady nochtans vroech op tot God, ende den almachtighen bidt,

6

ende ist dat ghi reyn ende oprecht voortgaet, ter stont sal hi ontwaken tot v, ende sal vredelic maken de wooninge uwer gerechticheit,

7

⁺also al waert dat v eerste cleyn waren, ⁺ so sullen v leste seer veel gemenichfuldicht worden,

+ B

+ Deu. xiij.a. psal. c.xliij.

8

Want vraecht den voorgaenden geslachte, ende ondersoect neerstelijc haer vaders ghedenckenisse, want wi zijn van ghisteren, ende en weten niet,

9

onse leuen is een scaduwe opter aerden.

10

Si sullen v leeren ende v seggen, ende haer wtsprake wt haer herte voort brenghen.

11

Kan die biese ooc opgroeyen sonder vochticheit? ofte een lis wassen sonder water?

12

anders alst noch inden bloetsele is, ⁺ eert noch af gepluct wort metter hant, verdorret eer, dan alle cruyden.

+ C

13

So is den wech van allen den ghenen, die Gods vergeten, ende die hope des hypocrijts sal verloren zijn,

14

want zijn wetentheit en sal hem niet behaghen, ende zijn hope is, als een spinnen webbe.

15

Hi sal hem verlaten op zijn huys, ende en sal nochtans niet staende bliuen. ^* Hi salt onder setten) nochtans en salt niet ^* oprijsen).

* the. hem daer aen houden

* th. stantachtich zijn.

16

Men siet die vochticheyt eer dan die sonne coemt, ende in haer ^* opgaen) so sullen haer spruyten op rijsen.

* th. hof

17

^* Op eenen hoop steenen sullen haer wortelen dick worden ende sullen bliuen tusscen die steenen)

* the. zijn zaet staet dick opten acker, ende zijn huis op steenen

18

Maer als hi hem verslinc van zijnder plaetsen, so sal hi zijns lochenen ende segghen, Ic en hebbe v niet ghekent.

19

⁺Want dit is die blijschap zijns wechs, op datter ander wten stof spruiten.

+ D

20

God en sal den ^* simpelen) niet verworpen, ende en onderhout die hant der booser niet,

* th. goeden

21

tot dat uwen mont vol lachens worde, ende v lippen vol iolijts,

22

maer die v haten sullen te scande worden, ende der ongodliker wooninghe, en sal niet staende bliuen.

§ Hoe Iob die weldaden Gods bewijst, waer tegen der menscen rechtuaerdicheit niet geleken en is.