De Vorsterman Bijbel

§ Dat .vij. Capittel.

1

⁺DOen waren Sisennus die onderconinck Celosyrie ende Phenicis, ende Satrabuzanes ende sine ghesellen gehoorsaem den dinghen, die van Dario den Coninck besloten waren,

+ A

2

ende waren aen die heylighe wercken naerstich, alder naerstelijckste mede werckende metter Ioden ouders, ende die princen van Syrien,

3

ende die heilige wercken, zijn voorspoddich gheweest, Als Aggeus ende Zacharias, propheten propheterende waren,

4

Ende si volbrachtent al te male, door dat ghebot des HEEREN des Gods van Israel, ende wt den raet Cyri ende Darij ende Artaxerxis der Persen coninc

5

Ende onse huys is voleyndt totten drieentwintichsten daghe der maent Adar, inden sesten iare des conincs Darij.

6

⁺Ende die kinderen van Israel, ende die priesters ende die Leuiten, ende die andere die wt der gheuanghenisse waren die daer toe geset zijn, deden naer tgene dat in die boecken Moysi ghescreuen is,

+ B

7

Ende si offerden totter wijdinghen des tempels des HEEREN

[p. Bb8r]

hondert verren, tweehondert rammen, vier hondert lammeren,

8

ende tweelf ionge bocxkens, voor die sonden des gheheelen Israels, naer tghetal der gheslachten Israels

9

Ende die priesters ende die Leuiten stonden ghecleet met langhen cleederen, by geslachten, ouer die wercken des HEEREN des Gods van Israel, nae dat boeck Moysi ende die duerewachters by elcke dueren.

10

⁺Ende Israels kinderen hielden dat hoochtijt van Paeschen, met dien die wt der gheuangenissen ghecomen waren, op dye veerthienste mane der eerster maent, doen die priesters ende Leuiten gheheylicht waren,

+ G

11

Alle die kinderen der gheuanghenissen, en zijn niet ghelijc gheheylicht Want die Leuiten zijn te samen gheheylicht

12

Ende alle die kinderen der gheuanckenissen, offerden dat Paeschlam haeren broederen den priesteren, ende haer seluen,

13

Ende Israels kinderen die wt der gheuanckenisse waren al die daer bleuen waren, hebben gheten van alle die verfuwingen der heydenen des lants, soeckende den HEERE,

14

ende si vierden den hoochtijdelijcken dach der ongheheefder brooden, seuen daghen, brassende in dat aenscouwen des HEEREN

15

want hi keerde den raet des conincx der Assyrien tot hen, om haer handen te stercken totten wercke des HEEREN Gods Israel.

§ Hoe Esdras metten anderen van Babilonien reyst, ende in Ierusalem coemt, Ende dat inhout des scrifts dat Artaxerxes Esdre den priester ende scriftgheleerde gaf vander ionste die hi den Ioden bewees, ende die optrocken van Babilonien, ende tgout wort den priesteren beuolen, om dat inden tempel des Heeren te offeren, Ende Esdras gebet bewegende dat volck tot berouwe.