De Vorsterman Bijbel

§ Dat .v. Capittel.

1

⁺NA dese dinghen, zijn die Ouerste der dorpen bi haer huysen ende gheslachten wtghecoren dat si opsouden gaen, ende haer huysvrouwen, ende haer sonen, ende haer dochteren, ende knapen ende maerten ende haer beesten,

+ A

2

Ende Darius die Coninck

[p. Bb6r]

seynde met hen duysent reysers tot dat sise in Ierusalem gheleyden, ⁺ met vrede ende musijck spelen, ende met tamboeren, ende fluyten,

+ i.esd. ij. vindy dit claerder dan in dit Capit.

3

ende alle die broeders waren spelende, ende hi dedese opgaen te samen met hen,

4

Ende dit zijn die namen der mannen, die opgingen in haeren dorpen inden geslachten, ende totten deele haerder heerschappien,

5

Die priesters, Die sonen Phinees, des soons Aarons, Iesus Iosedechs sone, Ioachim Zorobabels sone des soons Salathiel vanden huyse Dauids, wt den gheslachte phares, vander afcomst van iuda

6

die gesproken heeft onder Dario coninc van Persen wonderliker redenen, int tweede iaer zijns rijcx, in die eerste maent Nisan,

7

Maer dese zijnt die opgingen wten Ioedschen lande vander geuangenisse der ouerreysinge, die Nabuchodonosor die coninck van Babilonien oueruoerde in Babilonien, ende zijn wederghekeert in Ierusalem,

8

Ende hi verliet een deel des ioodtschen volcx, een yeghelijck in zijn stat, die daer quamen, met zorobabel ende met Iesu Neemias, Arreores, Elimeo, Emmanio, Mardocheo, Beelsuro, Mechspatothor, Olioro, Ebonia een van haeren ouersten,

9

ende het ghetal van haeren volcke wt haeren ouersten, Die sonen Phares twee duysent, ende hondert, ende tween tseuentich

10

Die sonen Ares drieduysent, hondert, seuen ende tvijftich,

11

Die sonen phemo, hondert ende twee ende veertich, ⁺ Inden sonen Iesu ende Ioabes duysent, dryehondert, ende twee,

+ B

12

Die sonen Benin tweeduysent, vierhondert, ende tseuentich, Die sonen Choraba tweehondert ende vijf, Die sonen ^* Banica) hondert ende acht ende tsestich,

* oft danica

13

Die sonen Bedech vierhondert, ende drie, Die sonen Archad vierhondert, ende seuen ende twintich,

14

Die sonen Cham seuen ende dertich, Dye sonen Zoroar tweeduysent, ende seuen ende tsestich, Die sonen Adinu vierhondert ende eene ende tsestich,

15

Die sonen Adarectis, hondert ende achte, Die sonen Ciaso ende Zelas hondert ende seuen, Die sonen Azorech, vierhondert, ende neghen ende dertich,

16

Die sonen Iedarbone hondert, twee ende dertich, Dye sonen Ananie, hondert, ende dertich, De sonen Asoni tneghentich,

17

Die sonen Marsar vierhondert ende twee ende twintich, Die sonen Zabarus vijf ende tneghentich, Die sonen Sepholemum, hondert ende drientwintich,

18

Dye sonen Nepopas, vijf ende tvijftich, Die sonen Hechanatus, hondert, ende acht ende tvijftich, Die kinderen Cebethamus, hon-[kolom]dert ende twee ende dertich,

19

Die sonen Crearpatros, die Enocadies ende Modie waren vierhondert, ende drientwintich, Dye wt Gramas ende Gabea, hondert ende een ende twintich,

20

Die wt besselon ende Ceagghe, vijf en tsestich, Die wt bastro, hondert ende twee ende twintich,

21

Die wt Bechebodes, vijf ende tvijftich, Die sonen Liptis hondert ende vijf ende tvijftich, Die sonen Labonni, drie hondert ende seuen ende tvijftich,

22

Die sonen Sichen, driehondert ende tseuentich, Dye sonen Swadon ende Elimolis driehondert ende acht ende tseuentich,

23

Dye sonen Ericus tweeduysent ende hondert ende vijf ende veertich, Die sonen Anaas driehondert, ende tseuentich.

Die priesteren.

24

Die sonen ieddus, Die sonen Euther, die sonen Eliasib, driehondert, ende tweentseuentich, Die sonen Emerus tweehondert ende twee ende tvijftich,

25

Die sonen phasuri driehondert seuen ende tvijftich, ⁺ Die sonen Caree tweehondert seuen ende twintich.

+ C

26

Die leuiten. Die sonen Iesu in Caduhel, ende Banus, ende Cerebias ende Edias vier ende tseuentich. Alle dat getal van dat twaelfste iaer, dertich duysent, ende vierhondert ende tweentsestich,

27

Die sonen ende dochteren, ende huysurouwen, alle die rekeninghe tveertich duysent, ende tweehondert, ende tweenveertich.

28

Die kinderen der priesteren die daer inden Tempel songhen, Die kinderen Asaph, hondert, acht ende twintich.

29

Maer die duerwachters, die sonen Esmenni, dye sonen Azer, die sonen Amon, dye sonen Accubatopa, die sonen Tobi, Alle ghader hondert ende neghen ende dertich.

30

Die priesters dienende inden tempele, die sonen Sel, die sonen Gaspa, die sonen Thobloch, die sonen Carie, die sonen Sub, die sonen Hellu, die sonen Labana, Die sonen Armacha, die sonen Accub, die sonen Vtha die sonen Cetha, die sonen Aggab, Die sonen Obai, die sonen Anani, die sonen Canna, die sonen Geddu,

31

die sonen An, die sonen Radin, die sonen Desanon, Die sonen Nechoba, die sonen Caseba, die sonen Gaze, die sonen Ozni, die sonen Sinone, Die sonen Attre, dye sonen Hastem, dye sonen Asiana, Die sonen Manei, die sonen Nasisim, dye sonen Accufa, dye sonen Agista, Dye sonen Asui, Dye sonen Fauon, Die sonen Phasalon,

32

dye sonen Meedda, dye sonen Fusa, die sonen Careth, Die sonen Barcus, die sonen Saree, die sonen Coesi, Die sonen Nasit, die sonen Agisti, die sonen Pe-

[p. Bb6v]

don,

33

Salomon zijn sonen, die sonen Asophot die sonen Phazida, die sonen Celi, dye sonen Dedon, die sonen Gaddahel, die sonen Zaphegi,

34

die sonen Aggia, dye sonen Sacharet, die sonen Sabathen, die sonen Saroneth, die sonen Malisith, die sonen Ame, die sonen Sasus, die sonen Addus, die sonen Suba, de sonen Eura, die sonen Rahotis, de sonen Phasphat, die sonen Malman.

35

Alle den gheheylichden dienende, ende die kinderen Salomons, vierhondert tweeentachtentich.

36

⁺Dit zijn die kinderen die op gingen van Chelmelat, ende Thelarsa, haer princen Carmelam ende Careth,

+ D

37

ende si en mochten haer steden niet wtsegghen ende haere gheslachten, hoe si wt Israel zijn, die sonen Dalari, die sonen Tuben, dye sonen Nechodaici,

38

wt den priesteren, die dat priesterschap bedienden, ende en zijn niet gheuonden, die sonen Obia, die sonen Achisos, die sonen Addin die een huysurouwe nam wt den dochteren Phargeleu,

39

ende zijn met sinen naem gheheeten. Ende deser ghescreuen afcoemst des gheslachts is gesocht ende en is niet gheuonden, ende haer wert verboden dat priesterschap te bedienen,

40

Ende Nehemias seyde dien ende Astaras, dat si des heylighen niet deelachtich ghemaect en souden worden, tot datter een gheleerde bisschop opstont, tot betooninghe ende waerheyt,

41

Maer alle Israel wtghenomen die knechten ende dienstmaerten was, twee ende veertich duysent, ende drie hondert, ende veertich,

42

Deser knechten ende dienstmaerten waren seuenduysent, driehondert ende .xxxvij. Die sangers ende sangersen tweehondert ende lxv.

43

Vierhondert ende .xxxv. kemelen. Seuen duysent ende .xxxvi. paerden. Twee hondert duysent ende vijf ende veertich muylen, Vijf duysent ende vijf ende twintich lastbaer ezelen

44

⁺Ende vanden prouoosten selue bi die dorpen, als si inden tempel Godts quamen die te Ierusalem was, om te vernieuwen ende te verwecken den tempel in zijn plaetse na haer crachte,

+ E

45

Ende inden heylighen tempel der schatten der wercken ghegheuen te wordene .xij. ghewichten gouts ende hondert priesterlike cleederen,

46

Ende die priesters ende Leuiten ende die vanden volcke wt waren gegaen woonden in Ierusalem int lantschap ende die heylighe sangers ende duerwachters, ende alle Israel in haeren lantscapen,

47

Maer als die seuenste maent aenstaende was, ende alle die kinderen van Israel elcke in in haer dinghen waren, so quamen si eenmoedelijc [kolom] te gader inden voorhof, den welcke voor de oostensche duere was,

48

Ende Iesus Iosedechs sone, ende sine broeders die priesters, ende Zorobabel, Salathiels sone, ende zijn broeders stonden ende bereyden den outaer,

49

op dat si daer brandtoffere op souden offeren, na dat ghescreuen staet inden boec Moysi des menschen Godts,

50

Ende si quamen daer te ghader wt anderen natien der aerden, ende alle dye luyden der aerden rechteden een heylighe plaetse op in haer plaetsen, ende si offerden den HEERE offerhanden, ende vroeghe brantoffer,

51

Ende si hielden dat hoochtijt der looueren tenten ende den hoochtijdelijcken dach, ghelijck dat in die wet gheboden is, ende daghelicx spijsoffer alsoo dat van noode was,

52

ende na inghesette offeranden, ende offeranden der Sabbathen, ende der nieuwer maenden, ende alle der hoochtijdelijcker ende gheheylichder daghen.

53

Ende alsoo vele alser den HEERE beloofden, vander nieuwer mane der seuender maent aen, begonsten Gode offeranden te offeren, Ende des HEEREN tempel en was noch niet ghetimmert.

54

⁺Ende si gauen den steenhouwers, ende timmerluyden ghelt, ende dranck, ende spise met blijschappen,

+ F

55

Ende si ghauen carren den Sydonen ende dien van Tyrien datsi van Libano Cederbalcken souden oueruoeren Ende dat si schepen in die hauen van Ioppe souden maken na dat besluyt, het welcke hen ghescreuen was van Cyro den coninc van Persen.

56

Ende int tweede iaer comende inden tempel Gods in Ierusalem, in die tweeste maent beghonste Zorobabel, Salathiels sone, ende Iesus Iosedechs sone, ende haer broeders, ende priesters, ende Leuiten, ende alle die vander gheuanghenissen in Ierusalem ghecomen waeren,

57

Ende si fundeerden Godts tempel in die nieuwe mane der tweeder maent, des tweeden iares als si in dat Ioetsche landt ende Ierusalem waren ghecomen,

58

Ende si stelden Leuiten van twintich iaren voort ouer des HEEREN wercken, Ende Iesus ende zijn sone, ende broeders, alle de Leuiten stonden hen tsamen verbijndende, ende die volbrenghers der wet, doende die wercken in dat huys des HEEREN,

59

Ende die priesters stonden hebbende langhe cleederen met trompetten ende die Leuiten, die kinderen Asaph, hebbende cymbaelkens

60

den HEERE tsamen louende, ende ghebenediende nae Dauid

[p. Bb7r]

den coninck van Israel.

61

Ende si songhen den HEERE een liedeken, want zijn soeticheyt ende eere is van eewicheyt tot eewicheyt ouer alle Israel.

62

Ende alle het volck bliesen met trompetten ende riepen met luyder stemmen, den HEERE tsamen louende, in de verweckinge des huys des HEEREN.

63

⁺Ende uyt den ouden priesters ende Leuiten ende ouersten quamender na haer dorpen die dat eerste huys hadden ghesien

+ G

64

totter timmeringhe des huys met roepinghe ende grooten ghescreye, ende zeer vele met trompetten ende met grooter blischappen

65

also dat het volck die trompetten nyet en hoorden, om die kerminghe des volcx, want die schare blies heerlijcken met trompetten also dat verre ghehoort werdt,

66

Ende die vianden des gheslachts Iude ende Beniamins hoordent ende quamen, om te wetene wat die stemme der trompetten ware,

67

Ende si bekenden, dat die wt der gheuanghenisse quamen, den HEERE God van Israel eenen tempel timmerden,

68

Ende si ghinghen tot Sorobabel ende Iesum, ende die ouerste der dorpen, ende seyden hen, Wy sullen te gader met v timmeren,

69

want wy hebben uwen God oock desghelijckx ghehoort, ende wi sullen gaen te gader vanden daghen Abarazeth des conincx van Syrien die ons tot hier heeft ouergheuoert.

70

Ende Sorobabel seyde hen ende Iesus ende die ouerste der dorpen van Israel,

71

het en behoort ons ende v niet dat huys ons gods te timmeren, want wi sullen den HEERE van Israel alleen timmeren, na dat ghene dat ons Cyrus der Persen coninck gheboden heeft.

72

Maer des landts volcken waernemende deser die in Iudeen zijn ende oplichtende dat werck der timmeringhe, ende laghen ende volck daer toe brenghende, verboden hen te timmeren,

73

ende si belettent die de oploopen oefenden, op dat die timmeringhe niet voleyndet en soude worden in alle der tijt des leuens Cyri des conincks, Ende si vertrocken die timmeringe twee iaren tot Darius rijcke toe.

§ Hoe Aggeus ende Zacharias propheteerden, ende hoe dat huys Gods ghetimmert wert, ende die onderconinck van Syrien met sine gesellen gheerne belet hadde, ende de coninc gheboot dat niet te beletten