De Vorsterman Bijbel

§ Dat .xi. Capittel.

1

ENde die ouerste des volcs woonden te Ierusalem, Maer dander volck wierp dat lodt daeromme, dat onder thienen, een deel te Ierusalem in die heylighe stede soude trecken te woonen, ende negen deelen in die steden,

2

Ende dat volc ghebenedide, alle die mannen die vrywillich waren te Ierusalem te woonen.

3

Dit zijn die hoofden des lantscaps, die te Ierusalem woonden, Ende inden steden Iuda, ende en yegelic heeft gewoont in zijn ^* besittinge) in haeren steden van Israel die priesters, Leuiten, Nethinneen, ende die kinderen der knechten Salomonis,

* thebr. goet

4

Ende tot Ierusalem woonden sommighe der kinderen Iuda, ende Ben iamin. Vanden kinderen Iuda, Athaias die sone Vsia des soons Sacharie, des soons Amarie, des soons Sephatie, des soons Mahalaleel, wt den kinderen Pharez,

5

ende Maasia die sone Baruch, des soons Cholhoze des soons Hazaia, des soons Adaia, des soons Ioiarib, des soons Sacharia, des soons Solonite,

6

Al die kinderen Phares die te Ierusaiem woonden, waren vierhondert ende acht ende tsestich ^* vrome mannen.)

* thebr. redelike luiden

7

Dit zijn die kinderen Ben iamin, Sallu die sone Mosollam, ⁺ des soons Ioed, des soons Phadaia, des soons Kolaie, des soons Maasia, des soons Ithiel, des soons Esaia,

+ B

8

Ende na hem, Gabai, Sallai, neghen hondert ende xxviij.

9

Ende Iohel die sone Sichri, die was prouoost, ende Iudas die sone Senua, was ouer dat tweede deel der stadt.

10

Vanden Priesteren woonden Iedaia die sone Ioiarib, Iachin,

11

Saraia, die sone Helchie, des soons Mosollam, des soons Zadok des soons Meraioth, des soons Achitob, was ouerste inden huise Gods,

12

Ende zijn broeders die inden tempel wrochten, die waren achthondert ende .xxij. Ende Adaia die sone Ieroham, des soons Palalie, des soons Ahazai des soons Sacharie, des soons Phesur, des [kolom] soons Melchie,

13

ende zijn broederen die ouerste onder den vaderen, waren twee hondert ende tweenueertich, Ende Amassai die sone Azareel des soons Ahasai, des soons Mosillemoth, des soons Emmer,

14

ende zijn broeders zeer machtige luyden, waren hondert ende achtentwintich, Ende haer prouoost, was Sabdiel, die sone der machtighen.

15

⁺Vanden Leuiten Semaias die sone Hasub des soons Asarikam, des soons Asabie, des soons Bonui,

+ C

16

ende Sabtai, ende Iosadab, wt der Leuiten ouersten, aenden buyten wercke inden huyse Gods,

17

Ende Mathania die sone Micha, des soons Sabdi, des soons Asaph, die ouerste was, om Gode te louen ende dancbaerheyt te beghinnen totten ghebede Ende Bacbucia, die tweede onder sinen broederen, Ende Abda die sone Samma, des soons Galal, des soons Idithun,

18

Alle die Leuiten die in die heylighe stadt waren, twee hondert ende .lxxxiiij.

19

Ende die poortwachters Akub ende Thalmon, ende haer broederen die die dueren bewaerden, waren hondert, ende .lxxij.

20

Maer dat ander deel van Israel Priesteren ende Leuiten, waren in allen de steden van Iuda, elck in zijn erfdeel.

21

Ende die Nathinneen woonden in Ophel ende Siha, ⁺ ende Gaspha behoorden tot den Nathinneen,

+ D

22

Die ^* Bischop) die ouer de Leuiten te Ierusalem was, Vsi die sone Bani, des soons Hasabie, des soons Mathania, des soons Micha. Wt den kinderen Asaph waren sanghers inden dienst des huys Gods

* thebreeus ouerheere

23

Want het was des conincs ghebot ouer hen dat die sanghers ghetrouwelijck handelen souden, elcken dach in zijn behoorte.

24

Ende Pathahia die sone Mesesabeel, wt den kinderen Sarah des soons Iuda, die was neffens den coninck, tot allen wercken ^*

* thebr. aent volck,

25

naer die woorden des volcs in haren huysen, door alle haer lantschappen) ende die kinderen van Iuda ^*) woonden te Cariatharbe, ende in haeren dochteren, ende te Dibon, ende in haeren dochteren, ende te Kabseel, ende in haeren dorpen,

* h die buiten op die dorpen op haer lant waren sommighe

26

ende te Iesua, Molada, Bethphalet,

27

Hazarsual, Bersebea, ende haeren dochteren,

28

ende te Sicelech, ende Mochona, ende haeren dochteren,

29

Ende te Enremmon, Zarega, Ieremuth,

30

Senoah, Odollam, ende haeren dorpen, Te Lachis, ende op haeren velden, Te Aseka, ende in haeren dochteren, ende si legherden hen van Bersabea aen, tot aen dat dan Ennon.

31

Maer die kinderen Ben iamin van Gaba, woonden te Machmas, Hai, Bethel,

[p. Bb2r]

ende haere dochteren,

32

Ende te Anatoth, Nob Anania

33

Hazor, Rama, Gethaim,

34

Hadid, Zeboim, Neballat, Lod,

35

Ono, ende int Timmerdal,

36

Ende sommighe Leuiten, die deel in Iuda hadden, woonden onder Ben iamin.

§ Hoe die Priesters ende Leuiten ghetelt werden, die met Zorobabel quamen, ende weclke in Ioakims tijden, ende hoe die priesters ende sangers vanden anderen steden in die wijnghe der mueren te Ierusalem vergaderden.